چیف آف آرمی سٹاف فیلڈ مارشل سید عاصم منیر نال لیبیا دی مسلح افواج دے کمانڈر انچیف دی ملاقات

راولپنڈی (اے پی پی) چیف آف آرمی سٹاف فیلڈ مارشل سید عاصم منیر نال لیبیا دی مسلح افواج دے کمانڈر انچیف لیفٹیننٹ جنرل صدام خلیفہ حفتر جنرل ہیڈ کوارٹرز (جی ایچ کیو) اچ ملاقات کیتی۔ آئی ایس پی آر توں جاری بیان موجب ملاقات اچ سانجھی دلچسپی دے امور، علاقائی صورتحال، سیکورٹی چیلنجز اتے دفاعی تعاون متعلق امور تے ڳالھ مہاڑ کیتی ڳئی ۔ ݙوہیں رہنماواں سیکورٹی چیلنجز نال نبݨݨ کیتے دفاعی صنعتی تعاون اتے تکنیکی مہارت دے تبادلے تے اتفاق کیتا۔جی ایچ کیو پُجݨ تے لیفٹیننٹ جنرل صدام خلیفہ حفتر پاک فوج دے شہداء کوں خراج عقیدت پیش کرݨ کیتے یادگار شہداء تے پُھلاں دی چادر چڑھائی۔ معزز مہمان دا پر تپاک استقبال کیتا ڳیا اتے پاک فوج دے چاق و چوبند دستے گارڈ آف آنر پیش کیتا۔