وزیراعظم محمد شہباز شریف دا مالی سال 25-2024 اچ کرنٹ اکاؤنٹ سرپلس 2.1 ارب ڈالرز تئیں پُجݨ تے اظہار تشکر

اسلام آباد (اے پی پی) وزیراعظم محمد شہباز شریف مالی سال 25-2024 اچ کرنٹ اکاؤنٹ سرپلس 2.1 ارب ڈالرز تئیں پُجݨ تے اظہار تشکر کریندے آکھیے جو کرنٹ اکاؤنٹ سرپلس دا گزریل 22 سالاں دی بلند ترین سطح تے پُجݨ خوش آئند اے۔وزیراعظم دفتر دے میڈیا ونگ توں جاری بیان موجب  وزیراعظم آکھیا جو حکومتی اقدامات پاروں زر مبادلہ دے ذخیرے 19 ارب ڈالرز توں ودھ ڳئن، کرنٹ اکاؤنٹ سرپلس اچ استحکام دی بنیادی وجہ ترسیلات زر اتے برآمدات اچ خاطر خواہ ودھارا اے۔ انہاں آکھیا جو ݙینھ و ݙینھ بہتر تھیندے مالیاتی و معاشی اشاریے اے ظاہر کریندن جو ملکی معیشت استحکام دے رستے تے گامزن تھی چکی اے۔ وزیراعظم آکھیا جو حکومت ملک اچ کاروبار اتے سرمایہ کار دوست ماحول مزید بہتر کرݨ دے حوالے نال ترجیحی اقدامات چیندی پئی اے، حکومت دی معاشی ٹیم دیاں کوششاں لائق تحسین ہن۔