راولپنڈی۔ 19 جولائی (اے پی پی) چیئرمین پاکستان کرکٹ بورڈ (پی سی بی) محسن نقوی ورلڈ ماسٹرز سنوکر چیمپئن شپ جتݨ تے محمد آصف کوں دلوں مبارخ ݙتی اے۔پی سی بی توں جاری بیان موجب ، محسن نقوی آکھیا جو "ویلڈن محمد آصف، قوم کوں تُہاݙے تے ماݨ اے۔" انہاں آکھیا جو محمد آصف فائنل وچ بھارتی حریف کوں شکست ݙے تے نہ صرف پاکستان دے قومی جھنڈے دی …
چیئرمین پی سی بی محسن نقوی دی ورلڈ ماسٹرز سنوکر چیمپئن شپ جتݨ تے محمد آصف کوں مبارخ
مزید خبراں
راولپنڈی۔ 19 جولائی (اے پی پی) چیئرمین پاکستان کرکٹ بورڈ (پی سی بی) محسن نقوی ورلڈ ماسٹرز سنوکر چیمپئن شپ جتݨ تے محمد آصف کوں دلوں مبارخ ݙتی اے۔پی سی بی توں جاری بیان موجب ، محسن نقوی آکھیا جو “ویلڈن محمد آصف، قوم کوں تُہاݙے تے ماݨ اے۔” انہاں آکھیا جو محمد آصف فائنل وچ بھارتی حریف کوں شکست ݙے تے نہ صرف پاکستان دے قومی جھنڈے دی شان وچ ودھارا کیتا بلکہ اپݨی زبردست مہارت اَتے صلاحیتاں دا لوہا وی منوائے۔ محسن نقوی دا آکھݨ ہا جو محمد آصف قوم دا ماݨ اَتے وقار ودھائے، کھیݙ ہووے یا کوئی ٻیا میدان، پاکستان ہر محاذ تے کامیابیاں دے جھنڈے ڳڑیندا پئے۔ انہاں ایں عزم دا اظہار کیتا جو پاکستان اَتے ساݙے باصلاحیت نوجواناں دیاں کامیابیاں دا سلسلہ ایویں جاری رہسی ۔ واضح رہوے جو پاکستان سنوکر دے کنگ محمد آصف آئی بی ایس ایف ورلڈ ماسٹرز سنوکر چیمپئن شپ دے فائنل وچ بھارتی حریف کوں شکست ݙے تے ہک ٻیا ورلڈ ٹائٹل اپݨے ناں کیتا
