اسلام آباد۔ 19 جولائی (اے پی پی سرائیکی نیوز) جناح اقبال ساؤتھ ایشین فورم دی ولوں راولپنڈی اَتے اسلام آباد دے او علاقیاں، جنہاں وچ E-11 اسلام آباد، کٹاریاں، ہولی فیملی دے پچھلے پاسے دیاں آبادیاں، آریا محلہ، ندیم کالونی، ڈھوک الٰہی بخش، اَتے نالہ لئی دے ݙوہیں پاسوں رہݨ آلے لوک شامل ہن، اڄوکے مینھ پاروں جاری تباہ حالی دے پیش نظر امدادی کماں دا آغاز کیتا ڳئے، جیں …
جناح اقبال ساؤتھ ایشین فورم ولوں راولپنڈی اسلام آباد دے متاثرین کیتے امدادی سرگرمیاں
اسلام آباد۔ 19 جولائی (اے پی پی سرائیکی نیوز) جناح اقبال ساؤتھ ایشین فورم دی ولوں راولپنڈی اَتے اسلام آباد دے او علاقیاں، جنہاں وچ E-11 اسلام آباد، کٹاریاں، ہولی فیملی دے پچھلے پاسے دیاں آبادیاں، آریا محلہ، ندیم کالونی، ڈھوک الٰہی بخش، اَتے نالہ لئی دے ݙوہیں پاسوں رہݨ آلے لوک شامل ہن، اڄوکے مینھ پاروں جاری تباہ حالی دے پیش نظر امدادی کماں دا آغاز کیتا ڳئے، جیں وچ سفید پوش اَتے عیسائی کمیونٹی دے لوک وی متاثرین وچ شامل ہن۔فورم ݙو وݙے کم کریندا پیئے۔خشک راشن دی ونڈ30 جولائی ٻدھ دے ݙینھ تئیں ٻہوں ودھ متاثرین وچ 30 کلو سُکا راشن ونݙیا ویسی۔ایں تقریب دے مہمان خصوصی سابق وفاقی وزیر محمد حبیب ملک ہوسن۔اجلاس دی صدارت سابق وفاقی سیکرٹری مظفر محمود قریشی کریسن۔ایں وچ فری میڈیکل کیمپ دا انعقاد، ترائے اگست کوں کٹاریاں دے علاقے وچ ہک فری میڈیکل کیمپ لاتا ویسی۔ایں کیمپ دا افتتاح سابق صوبائی وزیر صحت ڈاکٹر جمال ناصر کریسن۔مشہور ادبی شخصیت نسیم سحر اَتے ݙوجھیاں مشہور شخصیتاں متاثرین دا استقبال کریسن۔سینئر میڈیکل اَتے ہومیو ڈاکٹرز علاج کیتے موجود ہوسن۔فری بلڈ ٹیسٹ دا انتظام وی کیتا ڳئے۔رانا عبدالباقی جناح اقبال ساؤتھ ایشین فورم دی ایں کاوش وچ پیش پیش ہن۔(ڈاکٹر سعدیہ کمال)
