اسلام آباد۔ 19 جولائی (اے پی پی) بین الحکومتی تجارتی معاملات متعلق کابینہ کمیٹی ڈیفنس ݙویژن کوں ہدایت کیتی اے جو او اسلام آباد انٹرنیشنل ایئر پورٹ دی آؤٹ سورسنگ دے حوالے نال مزید تفصیلات آندے اجلاس وچ پیش کرے۔ دفتر خارجہ توں جاری بیان موجب ، نائب وزیراعظم / وزیر خارجہ سینیٹر محمد اسحاق ڈار بین الحکومتی تجارتی معاملات متعلق کابینہ کمیٹی دے اجلاس دی سربراہی کیتی۔ کمیٹی اسلام …
نائب وزیراعظم و وزیر خارجہ سینیٹر محمد اسحاق ڈار دی سربراہی وچ بین الحکومتی تجارتی معاملات توں متعلق کابینہ کمیٹی دا اجلاس
اسلام آباد۔ 19 جولائی (اے پی پی) بین الحکومتی تجارتی معاملات متعلق کابینہ کمیٹی ڈیفنس ݙویژن کوں ہدایت کیتی اے جو او اسلام آباد انٹرنیشنل ایئر پورٹ دی آؤٹ سورسنگ دے حوالے نال مزید تفصیلات آندے اجلاس وچ پیش کرے۔ دفتر خارجہ توں جاری بیان موجب ، نائب وزیراعظم / وزیر خارجہ سینیٹر محمد اسحاق ڈار بین الحکومتی تجارتی معاملات متعلق کابینہ کمیٹی دے اجلاس دی سربراہی کیتی۔ کمیٹی اسلام آباد ایئرپورٹ دے انتظام و انصرام اَتے آپریشنز کوں آؤٹ سورس کرݨ کیتے گورنمنٹ ٹو گورنمنٹ فریم ورک تے غور کیتا۔ تفصیلی غور دے بعد کمیٹی دفاعی ڈویژن کوں ہدایت کیتی جو مزید معلومات حاصل کرݨ دے بعد ایں معاملے کوں ول کمیٹی دے سامݨے غور کیتے پیش کیتا ونڄے۔کمیٹی کراچی پورٹ ٹرسٹ (کے پی ٹی) تے تجارتی سامان دی نقل و حمل وچ سہولت کیتے ریلوے منصوبے دا وی جائزہ ڳھِدا جو بندرگاہ تے دٻاؤ گھٹ کرݨ کیتے بݨایا ڳئے۔ غور کرݨ دے بعد کمیٹی فیصلہ کیتا جو ایں منصوبے دی مالی معاونت مقامی وسائل نال کیتی ویسی۔
