وفاقی وزیر داخلہ محسن نقوی دا ہنگو وچ “فتنہ الہندوستان” دے خلاف آپریشن اچ زخمی ڈی پی او محمد خالد نال ٹیلی فونک رابطہ، خیریت پُچھی

اسلام آباد۔ 19 جولائی (اے پی پی) وفاقی وزیر داخلہ محسن نقوی ہنگو وچ “فتنہ الہندوستان” دے خلاف آپریشن دے دوران زخمی ڈی پی او محمد خالد نال ٹیلی فونک رابطہ کیتا اَتے انہاں دی خیریت پُچھی۔اِتھاں جاری بیان موجب وزیر داخلہ محسن نقوی زخمی ڈی پی او محمد خالد دے اُچے حوصلے دی تعریف کریندے آکھیا تہاݙی قیادت وچ پولیس ٹیم جرات اَتے دلیری نال “فتنہ الہندوستان” دے 5 دہشت گرداں کوں جہنم واصل کیتا۔ وزیر داخلہ محسن نقوی “فتنہ الہندوستان” دے 5 دہشت گرداں کوں عبرتناک انجام تئیں پُڄاوݨ تے ڈی پی او ہنگو محمد خالد اَتے انہاں دی پوری ٹیم کوں خراج تحسین پیش کیتا۔وزیر داخلہ محسن نقوی ڈی پی او ہنگو محمد خالد اَتے زخمی ایس ایچ او نبی خان دی وختی صحتیابی کیتے دعا کریندے آکھیا جو تُساں قوم دے سر دا تاج ہو، اساکوں تساں دے ماݨ اے ۔ ڈی پی او ہنگو محمد خالد کوں ایں دوران 3 گولیاں لڳیاں۔