وزیراعظم شہباز شریف دا ضلع مالاکنڈ اچ “فتنتہ الخوارج” دے دہشت گرداں دے خلاف کامیاب مشترکہ آپریشن تے خراج تحسین

اسلام آباد 20 جولائی (اے پی پی) وزیراعظم محمد شہباز شریف ضلع مالاکنڈ اچ “فتنتہ الخوارج” دے دہشت گرداں دے خلاف کامیاب مشترکہ آپریشن تے پاک فوج، پولیس، لیویز، کاؤنٹر ٹیررزم ڈیپارٹمنٹ اتے ضلعی انتظامیہ کوں خراج تحسین پیش کیتے۔ آتوِر کوں وزیراعظم دفتر دے میڈیا ونگ توں جاری بیان موجب ، وزیراعظم کامیاب کارروائی اچ “فتنتہ الخوارج” دے 9 دہشت گرداں کوں ہلاک کرݨ تے سکیورٹی فورسز اتے معاون اداریں دی ستائش کیتی۔ وزیراعظم آکھیا جو دہشت گرداں دے خلاف اے کامیاب کارروائی مختلف اداریں وچال ہم آہنگی دی بہترین مثال اے۔ وزیراعظم آکھیا جو دہشت گردی دے خلاف جنگ اچ پوری قوم سکیورٹی فورسز دے نال کھڑی اے، ملک توں ہر قسم دی دہشت گردی مکاوݨ کیتے پرعزم ہن۔