چیئرمین سینیٹ دا مینہہ اتے چھل پاروں قیمتی انسانی جاناں اتے مالی ضیان تے افسوس، متاثرہ علاقیاں اچ ریسکیو تے ریلیف دے مؤثر اقدامات دی ہدایت

اسلام آباد۔22جولائی  (اے پی پی)چیئرمین سینیٹ سید یوسف رضا گیلانی ملک دے مختلف علاقے خصوصی طور بابوسر ٹاپ، مظفرآباد، لوئر دیر، سوات اتے ݙوجھے ضلعیاں اچ شدید بارشاں، کلاؤڈ برسٹ اتے چھل پاروں قیمتی انسانی جاناں دے ضیان اتے ݙکھ تے افسوس کیتے۔  منگل کوں سینیٹ سیکرٹریٹ توں جاری بیان موجب چیئرمین سینیٹ آکھیا جو متاثرہ خانداناں دے ݙکھ اچ پوری قوم برابر دی شریک اے، اتے ایں اوکھے ویلھے اڄ اساں ساریاں کوں یکجہتی، ہمدردی اتے فوری عملی اقدامات دی لوڑھ اے۔ انہاں متاثرہ خانداناں نال دِلّی ہمدردی دا اظہار کریندیں ہوئیں جاں بحق افراد دے درجات دی بلندی اتے زخمیاں دی جلدی صحت یابی کیتے دعا کیتی۔انہاں حکومتِ پاکستان، این ڈی ایم اے، صوبائی حکومتاں اتے ݙوجھے متعلقہ اداریاں توں آکھیا جو او فوری طور تے متاثرہ علاقیاں اچ ریسکیو اتے ریلیف دے مؤثر اقدامات کرن، خاص طور تے انہاں علاقیاں اچ جتھاں کلاؤڈ برسٹ یا لینڈ سلائیڈنگ جیہڑی ہنگامی صورتحال پیش آئی اے۔ انہاں آکھیا جو زخمیاں کوں فوری طبی امداد، بے گھر افراد کوں شیلٹر، خوراک اتے ضروریاتِ زندگی دی فراہمی کوں یقینی بݨایا ونجے۔