اسلام آباد۔23 جولائی (اے پی پی) وزیر اعظم محمد شہباز شریف دی ہدایت تے نیشنل ڈیزاسٹر مینجمنٹ اتھارٹی (این ڈی ایم اے) مون سون کیتے روزانہ دی بنیاد تے کوآرڈینیشن کانفرنس دا سلسلہ شروع کر ݙتا ۔ اے کانفرنس این ڈی ایم اے دے نیشنل ایمرجنسیز آپریشن سینٹر (این ای او سی) اچ تھیسی ۔ ترجمان این ڈی ایم اے موجب بدھ کوں تھیوݨ آلی پہلی کانفرنس اچ شہری تے …
این ڈی ایم اے مون سون کوآرڈینیشن کانفرنس دا آغاز کر ݙتا
مزید خبراں
اسلام آباد۔23 جولائی (اے پی پی) وزیر اعظم محمد شہباز شریف دی ہدایت تے نیشنل ڈیزاسٹر مینجمنٹ اتھارٹی (این ڈی ایم اے) مون سون کیتے روزانہ دی بنیاد تے کوآرڈینیشن کانفرنس دا سلسلہ شروع کر ݙتا ۔ اے کانفرنس این ڈی ایم اے دے نیشنل ایمرجنسیز آپریشن سینٹر (این ای او سی) اچ تھیسی ۔ ترجمان این ڈی ایم اے موجب بدھ کوں تھیوݨ آلی پہلی کانفرنس اچ شہری تے دریائی سیلاب، لینڈ سلائیڈنگ سویں ممکنہ خطریاں دا جائزہ گھدا ڳیا۔ کانفرنس اچ پی ڈی ایم ایز، ڈی ڈی ایم ایز، محکمہ موسمیات، ریسکیو، سول ڈیفنس، واٹر اینڈ ایریگیشن، پی ٹی اے سودھے بئے متعلقہ اداریاں دے نمائندیاں شرکت کیتی۔ سارے اداریاں کوں ممکنہ خطریاں پاروں ویلھے تے اقدامات اتے ردعمل دی حکمت عملی تے عمل درآمد دی ہدایت ݙتی ڳئی۔ ادارے آپݨی تیاریاں، درپیش مسئلیاں، درکار وسائل اتے جاری اقدامات دی تفصیلاں کانفرنس اچ پیش کیتی۔ این ڈی ایم اے موجب کانفرنس دا مقصد سارے متعلقہ اداریاں وچال ہم آہنگی اتے مشترکہ حکمت عملی کوں ہتھورا ݙیوݨ اے تاں جو مون سون سیزن اچ متوقع خطریاں نال مؤثر طریقے نال نبڑیا ونڄ سڳے ۔ این ڈی ایم اے موسمی صورتحال اتے ممکنہ خطریاں بارے پیشگی آگاہی کوں یقینی بݨیندا پئے ۔ روزانہ دی بنیاد تے تھیوݨ آلی اے کانفرنسز مون سون اچ عوام دی جان و مال دی حفاظت کوں یقینی بݨاوݨ اچ اہم کردار ادا کریسن ۔ این ڈی ایم اے اتے بئے ادارے سارے وسائل استعممال کر تے عوام دی حفاظت کیتے پرعزم ہن۔
