اسلام آباد۔24 جولائی (اے پی پی) وفاقی وزیر بحری امور محمد جنید انوار چوہدری آکھیے جو نیشنل شپنگ کارپوریشن اتے چین دے شیڈونگ ژین گروپ وچال مفاہمت دی یادداشت (ایم او یو) تے دستخط دے بعد پاکستانی شپنگ سیکٹر ہک وݙی تبدیلی کیتے تیار اے۔ وفاقی وزیر اے ڳالھ پی این ایس سی دے سی ای او اتے شیڈونگ گروپ کارپوریشن دے چیئرمین وچال ایم او یو تے دستخط دی …
پاکستانی شپنگ سیکٹر وݙی تبدیلی سانڳےتیار اے، وفاقی وزیربحری امورمحمد جنید انوارچوہدری
مزید خبراں
اسلام آباد۔24 جولائی (اے پی پی) وفاقی وزیر بحری امور محمد جنید انوار چوہدری آکھیے جو نیشنل شپنگ کارپوریشن اتے چین دے شیڈونگ ژین گروپ وچال مفاہمت دی یادداشت (ایم او یو) تے دستخط دے بعد پاکستانی شپنگ سیکٹر ہک وݙی تبدیلی کیتے تیار اے۔ وفاقی وزیر اے ڳالھ پی این ایس سی دے سی ای او اتے شیڈونگ گروپ کارپوریشن دے چیئرمین وچال ایم او یو تے دستخط دی تقریب نال خطاب کریندے آکھی ۔ انہاں مزید آکھیا جو ایں ایم او یو تے دستخط پاکستان اتے چین وچال میری ٹائم ڈومین اچ ودھدی ہوئی شراکت داری دی علامت اے جیں نال پاکستان دی شپنگ انڈسٹری اچ مستقبل اچ تعاون، سرمایہ کاری اتے ترقی دا رستہ ہموار تھیسی۔ انہاں ایں ڳالھ تے زور ݙتا جو اے تعاون علاقائی تجارت کوں ودھارا ݙیسی، رابطیں اچ وادھا کریسی اتے سانجھے تعاون اتے سانجھے اقتصادی اہداف دے ذریعے عالمی سمندری صنعت اچ پاکستان دے کردار کوں تکڑا کریسی۔ وفاقی وزیر آکھیا جو اے ایم او یو ݙوہیں اداریں وچال سانجھے اعتماد اتے تعاون دا ہک فریم ورک قائم کریندے جیں دا مقصد تجارتی فیدے حاصل کرݨ اتے پاکستان دے سمندری شعبے اچ سرمایہ کاری کیتے سازگار حالات پیدا کرݨا اے۔
