اسلام آباد۔24جولائی(اے پی پی) وزیراعظم محمد شہباز شریف پاکستان اچ تعلیم کوں عالمی معیار نال ہم آہنگ کرݨ سانڳے جدید ٹیکنالوجی دے استعمال کوں ناگزیر قرار ݙیندے آکھیے جو نظام تعلیم اچ جدت گھن آوݨ نینگراں کوں پیشہ وارانہ صلاحیتاں نال آراستہ کرݨ حکومت دی اولین ترجیحات اچ شامل اے۔ اے ڳالھ انہاں سنٹانا ایجوکیشن (Cintana Education) دے بانی تے چیئرمین ڈگ بیکر دی قیادت اچ ایریزونا سٹیٹ یونیورسٹی دے …
وزیراعظم محمد شہباز شریف نال سنٹانا ایجوکیشن دے بانی و چیئرمین ڈگ بیکر دی قیادت میں ایریزونا سٹیٹ یونیورسٹی دے وفد دی ملاقات
مزید خبراں
اسلام آباد۔24جولائی(اے پی پی) وزیراعظم محمد شہباز شریف پاکستان اچ تعلیم کوں عالمی معیار نال ہم آہنگ کرݨ سانڳے جدید ٹیکنالوجی دے استعمال کوں ناگزیر قرار ݙیندے آکھیے جو نظام تعلیم اچ جدت گھن آوݨ نینگراں کوں پیشہ وارانہ صلاحیتاں نال آراستہ کرݨ حکومت دی اولین ترجیحات اچ شامل اے۔ اے ڳالھ انہاں سنٹانا ایجوکیشن (Cintana Education) دے بانی تے چیئرمین ڈگ بیکر دی قیادت اچ ایریزونا سٹیٹ یونیورسٹی دے وفد نال ڳالھ مہاڑ کریندے آکھی جنھاں اتھاں انہاں دے نال ملاقات کیتی ۔وزیراعظم دفتردے میڈیا ونگ توں جاری بیان موجب وزیراعظم آکھیے پاکستان اچ تعلیم کوں عالمی معیارموجب گھن آوݨ سانڳے جدید ٹیکنالوجی دا استعمال ناگزیراے۔ انہاں آکھیے نظام تعلیم اچ جدت گھن آوݨ تے ملک دے نینگراں کوں پیشہ ورانہ صلاحیتاں نال آراستہ کرݨ حکومت دی اولین ترجیحات اچ شامل اے، تعلیم دے شعبے اچ ساریاں حکومتی پالیسیاں نینگراں کوں پیشہ وارانہ صلاحیتاں دی بنیاد تے روزگار دے مواقع ݙیوݨ تے مرکوز ہن۔ وزیراعظم ایریزونا سٹیٹ یونیورسٹی دے تعاون نال نیشنل انسٹیٹیوٹ آف ٹیکنالوجی دی تعمیر کوں اہم سنگ میل قرار ݙیندے آکھیے ایریزونا سٹیٹ یونیورسٹی دے تعاون نال تعمیر شدہ نیشنل انسٹیٹیوٹ آف ٹیکنالوجی اچ پاکستانی نینگراں کوں عالمی سطح تے مسابقتی بنیاد تے کم کرݨ سانڳے تربیت ݙتی ویسی ۔ انہاں آکھیے نیشنل ووکیشنل اینڈ ٹیکنیکل ٹریننگ کمیشن (نیوٹیک) اچ گزریل ھک سال اچ حکومت ٻہوں ساری اصلاحات کیتنتے ایں کوں مزید موثر تے کاآمد بݨایا ڳئے۔ انہاں پیشہ ورانہ تربیت دے شعبے اچ جدت گھن آوݨ سانڳےنیوٹیک کوں ایریزونا سٹیٹ یونیورسٹی نال تعاون دی ہدایت کیتی۔ ملاقات اچ ایریزونا سٹیٹ یونیورسٹی دے تعاون نال پاکستان اچ تعمیر شدہ نیشنل انسٹیٹیوٹ آف ٹیکنالوجی دی آپریشنلائزیشن دے حوالے نال ڳالھ مہاڑ کیتی ڳئی ۔ ایں موقع تے سنٹانا ایجوکیشن دے بانی ڈگ بیکر ݙسایا جو ایریزونا سٹیٹ یونیورسٹی پاکستان اچ تعلیم دے شعبے اچ جدت گھن آوݨ سانڳے وسائل اتے سہولتاں ݙیسی ۔ ملاقات دے مکݨ تے وزیراعظم اڄوکے سال فعال تھیوݨ آلے نیشنل انسٹیٹیوٹ آف ٹیکنالوجی دی یادگاری تختی دی نقاب کشائی کیتی۔ وفاقی وزیر اقتصادی امور احد خان چیمہ، وفاقی وزیر تعلیم خالد مقبول صدیقی، وفاقی وزیر آئی ٹی شزا فاطمہ خواجہ اتے متعلقہ اداریں دے اعلیٰ حکام وی ملاقات اچ موجود ہن۔
