اسلام آباد۔25جولائی (اے پی پی) پاکستان مغربی کنارے تے اسرائیلی خود مختاری نافذ کرݨ دی اسرائیلی پارلیمنٹ دی غیر قانونی کوشش دی شدید مذمت کریندیں ہوئیں آکھیا جو اے قابل مذمت اقدام بین الاقوامی قانون دی سنگین خلاف ورزی اے اتے فلسطینی حقوق اتے بین الاقوامی اصولاں دے خلاف اسرائیل دی مسلسل بے حسی کوں ظاہر کریندے۔ ترجمان دفتر خارجہ خمیس کوں جاری مذمتی بیان اچ آکھیا جو ایجھے جاݨ …
پاکستان مغربی کنارے تے اسرائیلی خود مختاری نافذ کرݨ دی اسرائیلی پارلیمنٹ دی غیر قانونی کوشش دی مذمت کریندے، ترجمان دفتر خارجہ
مزید خبراں
اسلام آباد۔25جولائی (اے پی پی) پاکستان مغربی کنارے تے اسرائیلی خود مختاری نافذ کرݨ دی اسرائیلی پارلیمنٹ دی غیر قانونی کوشش دی شدید مذمت کریندیں ہوئیں آکھیا جو اے قابل مذمت اقدام بین الاقوامی قانون دی سنگین خلاف ورزی اے اتے فلسطینی حقوق اتے بین الاقوامی اصولاں دے خلاف اسرائیل دی مسلسل بے حسی کوں ظاہر کریندے۔ ترجمان دفتر خارجہ خمیس کوں جاری مذمتی بیان اچ آکھیا جو ایجھے جاݨ بجھ تے کیتے ڳئے اشتعال انگیز اقدامات قابض طاقت ولوں امن دی کوششاں کوں کمزور کرݨ اتے آپݨے غیر قانونی تسلط کوں مضبوط کرݨ دی منظم کوششاں کوں نشابر کریندن۔ اے ہک پاسہ اقدامات خطرناک تصادم دی طرف اشارہ ہن جو خطے دے استحکام اتے ہک منصفانہ اتے پائیدار حل دے امکانات کوں خطرے اچ پا سڳدن۔ ترجمان آکھیا جو پاکستان بین الاقوامی برادری تے زور ݙیندے جو او اقوام متحدہ دی سلامتی کونسل دی قرارداداں اتے بین الاقوامی انسانی قانون دی خلاف ورزیاں تے اسرائیل کوں جوابدہ کرݨ کیتے فوری اتے فیصلہ کن اقدامات کرے، اسرائیل دے اقدامات نہ تاں تسلیم کیتے ویسن اتے نہ ہی مقبوضہ فلسطینی علاقے دی بین الاقوامی طور تے تسلیم شدہ حیثیت کوں تبدیل کریسن۔ پاکستان فلسطینی عوام دے خود ارادیت دے ناقابل تنسیخ حق کیتے آپݨے غیر متزلزل عزم دی توثیق کریندے۔ اساں اقوام متحدہ دی متعلقہ قرارداداں دے مطابق قبل از جون 1967 دی سرحداں تے مبنی ہک آزاد، خودمختار اتے قابل عمل فلسطینی ریاست دے قیام دی پرزور حمایت کریندوں جئیں دا دارالحکومت القدس الشریف ہووے۔
