اسلام آباد۔25جولائی (اے پی پی) وزیراعظم محمد شہباز شریف یورپی یونین دے نال پاکستان دی تجارتی سانجھے داری کوں اہم قرار ݙیندیں ہوئیں آکھیا جو یورپی یونین پاکستان دے سب توں وݙے تجارتی سانجھے داراں اچوں ہک اے۔ ایں ڳالھیں انہاں یورپی یونین دی سفیر رینا کیونکا نال ڳالھ مہاڑ کریندیں ہوئیں کیتی جیڑھی جو خمیس کوں انہاں نال الوادعی ملاقات کیتی۔ وزیراعظم آفس دے میڈیا ونگ توں جاری بیان …
یورپی یونین پاکستان دے سب توں وݙے تجارتی سانجھے داراں اچوں ہک اے، وزیراعظم شہباز شریف دی یورپی یونین دی سفیر رینا کیونکا نال ڳالھ مہاڑ
مزید خبراں
اسلام آباد۔25جولائی (اے پی پی) وزیراعظم محمد شہباز شریف یورپی یونین دے نال پاکستان دی تجارتی سانجھے داری کوں اہم قرار ݙیندیں ہوئیں آکھیا جو یورپی یونین پاکستان دے سب توں وݙے تجارتی سانجھے داراں اچوں ہک اے۔ ایں ڳالھیں انہاں یورپی یونین دی سفیر رینا کیونکا نال ڳالھ مہاڑ کریندیں ہوئیں کیتی جیڑھی جو خمیس کوں انہاں نال الوادعی ملاقات کیتی۔ وزیراعظم آفس دے میڈیا ونگ توں جاری بیان دے موجب وزیراعظم یورپی یونین دی سفیر کوں پاکستان اچ آپݨی مدت ملازمت دی کامیابی نال پوری کرݨ تے مبارخ ݙیندیں ہوئیں پاکستان اتے یورپی یونین دے تعلقات دی مضبوطی اچ اہم کردار ادا کرݨ تے انہاں دا شکریہ ادا کیتا۔ وزیراعظم پاکستان اچ 2022 دے سیلاب اچ یورپی یونین ولوں مدد کوں یقینی بݨاوݨ اچ انہاں دی کوششاں دی تعریف کیتی۔ وزیراعظم پاکستان دے سب توں وݙے تجارتی سانجھے اچوں ہک دے طور تے یورپی یونین دی اہمیت کوں اجاگر کریندیں ہوئیں جی ایس پی پلس سکیم کیتے حکومت دے عزم دا اعادہ کیتا جیڑھی جو ݙوہائیں فریقین کیتے فیدہ مند ثابت تھئی اے۔ وزیراعظم یورپی یونین کمیشن دی صدر ارسلا وان ڈیر لیین کیتے وی نیک خواہشات دا اظہار کیتا اتے آکھیا جو او انہاں نال جلدی ملاقات دے منتظر ہن۔ ملاقات اچ پاکستان اتے یورپی یونین وچال ملکی سیاسی پیش رفت سمیت اہم معاملیاں تے بحث کیتی ڳئی۔ یورپی یونین دی سفیر پاکستان اچ قیام دے دوران مِلݨ آلے تعاون تے وزیراعظم دا شکریہ ادا کیتا اتے آکھیا جو یورپی یونین پاکستان دے نال آپݨے تعاون کوں مضبوط بݨاوݨ کیتے پرعزم اے۔ وزیراعظم دی نیک خواہشات تے اظہار تشکر کریندیں ہوئیں انہاں آکھیا جو او برسلز اچ آپݨی اڳلی اسائنمنٹ اچ پاکستان اتے یورپی یونین دے مضبوط تعلقات کوں ودھاوݨ جاری رکھیسن۔
