اسلام آباد۔25جولائی (اے پی پی) وفاقی وزیر ریلوے محمد حنیف عباسی دی صدارت اچ حضرت بری امام سرکارؒ دے سالانہ عرس مبارک دے انتظامات متعلق ذیلی کمیٹی دا اہم اجلاس اسلام آباد اچ منعقد تھیا۔ اجلاس اچ ضلعی انتظامیہ، قانون نافذ کرݨ آلے اداریں اتے متعلقہ محکمیں دے نمائندگان شرکت کیتی۔ڈپٹی کمشنر اسلام آباد عرفان میمن اجلاس دے دوران وفاقی وزیر کوں عرس دے موقع تے سکیورٹی، ٹریفک کنٹرول، پارکنگ، …
وفاقی وزیر ریلوے محمد حنیف عباسی دی صدارت اچ حضرت بری امام سرکارؒ دے سالانہ عرس مبارک دے انتظامات متعلق ذیلی کمیٹی دا اجلاس
مزید خبراں
اسلام آباد۔25جولائی (اے پی پی) وفاقی وزیر ریلوے محمد حنیف عباسی دی صدارت اچ حضرت بری امام سرکارؒ دے سالانہ عرس مبارک دے انتظامات متعلق ذیلی کمیٹی دا اہم اجلاس اسلام آباد اچ منعقد تھیا۔ اجلاس اچ ضلعی انتظامیہ، قانون نافذ کرݨ آلے اداریں اتے متعلقہ محکمیں دے نمائندگان شرکت کیتی۔ڈپٹی کمشنر اسلام آباد عرفان میمن اجلاس دے دوران وفاقی وزیر کوں عرس دے موقع تے سکیورٹی، ٹریفک کنٹرول، پارکنگ، صفائی، پاݨی ، روشنی اتے ݙوجھے انتظامی امور دے حوالے نال تفصیلی بریفنگ ݙتی۔ اجلاس اچ فیصلہ کیتا ڳیا جو زائرین دی سہولت اتے خدمت کوں اولین ترجیح ݙتی ویسی اتے ایں ڳالھ کوں یقینی بݨایا ویسی جو سارے انتظامات وختی مکمل ہوون۔محمد حنیف عباسی اجلاس توں خطاب کریندے آکھیے جو حضرت بری امامؒ دا عرس نہایت عقیدت و احترام دے نال منایا ویسی اتے ایں سال ایں روحانی اجتماع کوں شایان شان، منظم اتے پرامن انداز اچ منعقد کیتا ویسی۔ انہاں مزید آکھیا جو سارے متعلقہ ادارے آپت اچ مکمل کوآرڈینیشن دے نال کم کریسن تاں جو زائرین کوں ہر ممکن سہولت ݙتی ونڄ سڳے اتے روحانی ماحول کوں برقرار رکھیا ونڄ سڳے۔ محمد حنیف عباسی سارے افسراں کوں ہدایت کیتی جو او اپݨیاں ذمہ واریاں ایمانداری نال سرانجام ݙیون اتے عرس دے موقع تے کہیں وی قسم دی کوتاہی یا غفلت برداشت نہ کیتی ویسی۔
