بری امام دا 320 واں سالانہ عرس 8 اگست کوں شروع تھیسی

اسلام آباد۔26جولائی (اے پی پی) حضرت شاہ عبداللطیف کاظمی قادری المعروف بری امام دا 320 واں سالانہ عرس مبارک 8 توں 10 اگست تئیں تھیسی جیندے انتظامات مکمل کر ڳھدے ڳئن۔ محکمہ اوقاف اسلام آباد دے ذرائع موجب عرس مبارک دے موقع تے محکمہ دی طرفوں زائرین دی سہولت کیتے فول پروف سکیورٹی انتظامات، طبی امداد کیتے فری میڈیکل کیمپس دا قیام عمل اچ گھن آیا ڳئے ۔ ایں دے نال نال پیوݨ دا صاف پاݨی ، صفائی ستھرائی دا مکمل انتظام کیتا ڳئے۔ گاݙیاں دی پارکنگ اتے ٹریفک منیجمنٹ اتے زائرین کیتے لنگر دا انتظام وی کیتا ڳئے۔