وفاقی وزیر داخلہ محسن نقوی دا بریکوٹ وچ 3 دہشت گرداں کوں جہنم واصل کرݨ تے سی ٹی ڈی کوں خراج تحسین

اسلام آباد۔26جولائی (اے پی پی) وفاقی وزیر داخلہ محسن نقوی سوات دے علاقے بریکوٹ وچ فتنہ الہندوستان دے دہشت گرداں دے خلاف کامیاب آپریشن تے سی ٹی ڈی کوں خراج تحسین پیش کیتے۔ وزارت داخلہ موجب ، محسن نقوی انتہائی مطلوب دہشت گرد سودھے 3 بھارتی سپانسرڈ دہشت گرداں کوں جہنم واصل کرݨ تے سی ٹی ڈی خیبرپختونخوا دی پیشہ ورانہ صلاحیتاں دی تعریف کیتی۔وزیر داخلہ محسن نقوی آکھیا جو سی ٹی ڈی خیبرپختونخوا وختی کارروائی کر تے فتنہ الہندوستان دے دہشت گرداں دے ناپاک عزائم کوں مٹی اچ رلائے۔ کامیاب آپریشن تے سی ٹی ڈی کے پی کے دی پوری ٹیم کوں سلام پیش کریندن۔ سی ٹی ڈی دے جواناں دی بہادری دی قوم معترف اے۔ آئی جی خیبرپختونخوا پولیس اتے سی ٹی ڈی دی ٹیم مبارخ دی مستحق اے۔