جنیوا۔31جولائی (اے پی پی) سپیکر قومی اسمبلی سردار ایاز صادق آپݨے ایرانی ہم منصب ڈاکٹر محمد باقر قالیباف نال ملاقات کیتی۔ ملاقات جنیوا اچ تھیوݨ آلی 6ویں عالمی سپیکرز کانفرنس دی سائیڈ لائن تے تھئی۔ سپیکر ڳالھ مہاڑ اچ آکھیا جو پاکستان اتے ایران وچال تاریخی برادرانہ تے دوستانہ تعلقات ہن۔ ݙوہائیں سپیکرز ݙو پاسہ پارلیمانی تعلقات کوں ٻیا مستحکم بݨاوݨ تے اتفاق کیتا۔ سردار ایاز صادق آکھیا جو پاکستان …
سپیکر قومی اسمبلی سردار ایاز صادق دی آپݨے ایرانی ہم منصب ڈاکٹر محمد باقر قالیباف نال ملاقات، ݙو پاسہ پارلیمانی تعلقات کوں ودھاوݨ تے اتفاق
مزید خبراں
جنیوا۔31جولائی (اے پی پی) سپیکر قومی اسمبلی سردار ایاز صادق آپݨے ایرانی ہم منصب ڈاکٹر محمد باقر قالیباف نال ملاقات کیتی۔ ملاقات جنیوا اچ تھیوݨ آلی 6ویں عالمی سپیکرز کانفرنس دی سائیڈ لائن تے تھئی۔ سپیکر ڳالھ مہاڑ اچ آکھیا جو پاکستان اتے ایران وچال تاریخی برادرانہ تے دوستانہ تعلقات ہن۔ ݙوہائیں سپیکرز ݙو پاسہ پارلیمانی تعلقات کوں ٻیا مستحکم بݨاوݨ تے اتفاق کیتا۔ سردار ایاز صادق آکھیا جو پاکستان ایران دی خودمختاری اتے سالمیت دی بھرپور حمایت کریندے۔ مشرق وسطیٰ اچ پائیدار امن خطے دی ترقی اتے خوشحالی کیتے ضروری اے۔ ایران تے اسرائیلی حملہ عالمی قوانین دی صریحاً خلاف ورزی اے۔ پاکستان سارے عالمی تنازعات دا مذاکرات نال پرامن حل چاہندے۔ پاکستان ایران دے جوہری پروگرام دا مذاکرات نال پُرامن حل چاہندے۔ پاکستان دی پارلیمان ایران تے اسرائیلی جارحیت دے خلاف متفقہ قرارداداں منظور کیتی۔ ایرانی سپیکر ڈاکٹر محمد باقر قالیباف ایران تے اسرائیلی جارحیت دے خلاف پاکستان ولوں حمایت تے شکریہ ادا کیتا اتے آکھیا جو ایران اتے پاکستان وچال مضبوط برادرانہ اتے دوستانہ تعلقات موجود ہن۔ ایران پاکستان دے نال آپݨے برادرانہ تعلقات کوں قدر نال ݙیکھدے۔ پاکستان دی پارلیمان اتے عوام ولوں حمایت کوں ایرانی عوام ہمیشہ یاد رکھیسن۔
