رحیم یار خان ۔ 01 اگست (اے پی پی) آئی جی پنجاب ڈاکٹر عثمان انور صادق آباد اچ شیخانی پولیس چوکی تے کچے دے ڈاکواں دے حملے دا نوٹس ڳھندیں ہوئیں آر پی او بہاولپور توں رپورٹ منڳ ڳھدی اے۔ ترجمان پولیس موجب آئی جی پنجاب ڈی پی او رحیم یار خان کوں حملے اچ ملوث ڈاکواں دی فوری گرفتاری دا حکم ݙتے۔ آئی جی پنجاب شہریاں دی جان تے …
آئی جی پنجاب ڈاکٹر عثمان انور دا صادق آباد چ پولیس چوکی تے کچے دے ڈاکواں دے حملے دا نوٹس، آر پی او بہاولپور توں رپورٹ منڳ ڳھدی
مزید خبراں
رحیم یار خان ۔ 01 اگست (اے پی پی) آئی جی پنجاب ڈاکٹر عثمان انور صادق آباد اچ شیخانی پولیس چوکی تے کچے دے ڈاکواں دے حملے دا نوٹس ڳھندیں ہوئیں آر پی او بہاولپور توں رپورٹ منڳ ڳھدی اے۔ ترجمان پولیس موجب آئی جی پنجاب ڈی پی او رحیم یار خان کوں حملے اچ ملوث ڈاکواں دی فوری گرفتاری دا حکم ݙتے۔ آئی جی پنجاب شہریاں دی جان تے مال دی حفاظت اچ شہادت دا رتبہ پاوݨ آلے ایلیٹ فورس دے اہلکاراں دی وݙی قربانی تے انہاں کوں خراج عقیدت پیش کیتا اتے آکھیا جو ڈاکواں رات دے اندھارے دا فائدہ چا تے لُک تے بزدلانہ حملہ کیتا، بزدلانہ کاروائیاں جاناں قربان کرݨ آلی پولیس فورس دے حوصلے پست نئیں کر سڳدی۔ انہاں آکھیا جو کچے دے ڈاکواں دے خلاف پولیس آپریشن بھرپور طاقت نال جاری رہسی، جواناں دا خون رائیگاں نہ ونجݨ ݙیسوں۔ یاد رہوے جو پولیس چوکی تے ڈاکواں دے حملے اچ ایلیٹ فورس دے 5 اہلکار شہید تھی ڳئے جنہاں اچ محمد عرفان، محمد سلیم اتے نخیل دا تعلق بہاولنگر توں جݙاں جو خلیل اتے غضنفر دا تعلق رحیم یار خان توں اے
