وزیراعظم محمد شہباز شریف دا سٹاک ایکسچینج اچ 100 انڈیکس 1 لکھ 40 ہزار پوائنٹس دی حد توں ودھݨ تے اطمینان

اسلام آباد۔1اگست (اے پی پی)  وزیراعظم محمد شہباز شریف سٹاک ایکسچینج اچ 100 انڈیکس 1 لکھ 40 ہزار پوائنٹس دی حد توں ودھݨ تے اطمینان کریندیں ہوئیں آکھیا جو سٹاک ایکسچینج اچ کاروباری تیزی سرمایہ کاراں دی حکومتی پالیسیاں تے اعتماد دی عکاس اے، کاروبار تے سرمایہ کاری کوں ہر ممکن سہولت ݙیوݨ حکومت دی پہلی ترجیح اے۔ وزیراعظم آفس دے میڈیا ونگ توں جاری بیان موجب وزیراعظم آکھیا جو ایف بی آر اچ اصلاحات نال ٹیکس نظام اچ بہتری اتے کاروباری برادری کوں سہولت ملی، الحمدللہ پاکستان دی معاشی سمت بہتر اتے معیشت ترقی آلے پاسے ٹُردی پئی اے۔