اسلام آباد۔2اگست (اے پی پی) چیف آف آرمی سٹاف فیلڈ مارشل سید عاصم منیر قومی خودمختاری اتے جغرافیائی سالمیت دے تحفظ کیتے پاک فوج دے غیر متزلزل عزم دا اعادہ کریندے آکھیے جو قومی یکجہتی، سول ملٹری ہک مت اتے ہائی بریڈ خطرات دے مقابلے اتے معاشرتی حکمت دے ودھارے کیتے قومی سطح دے سانجھے داری دی لوڑھ اے۔آئی ایس پی آر توں جاری اعلامیے موجب فیلڈ مارشل سید عاصم …
چیف آف آرمی سٹاف فیلڈ مارشل سید عاصم منیر دا قومی خودمختاری اتے جغرافیائی سالمیت دے تحفظ کیتے پاک فوج دے غیر متزلزل عزم دا اعادہ
مزید خبراں
اسلام آباد۔2اگست (اے پی پی) چیف آف آرمی سٹاف فیلڈ مارشل سید عاصم منیر قومی خودمختاری اتے جغرافیائی سالمیت دے تحفظ کیتے پاک فوج دے غیر متزلزل عزم دا اعادہ کریندے آکھیے جو قومی یکجہتی، سول ملٹری ہک مت اتے ہائی بریڈ خطرات دے مقابلے اتے معاشرتی حکمت دے ودھارے کیتے قومی سطح دے سانجھے داری دی لوڑھ اے۔آئی ایس پی آر توں جاری اعلامیے موجب فیلڈ مارشل سید عاصم منیر ملتان گیریژن دا دورہ کیتا، انہاں کوں کور ہیڈکوارٹرز وچ فارمیشن دیاں آپریشنل تیاریاں اتے جاری تربیتی سرگرمیاں تے تفصیلی بریفنگ ݙتی ڳئی، اعلیٰ معیار دیاں تیاریاں تے اطمینان دا اظہار کریندے فیلڈ مارشل قومی خودمختاری اتے جغرافیائی سالمیت دے تحفظ کیتے پاک فوج دے غیر متزلزل عزم دا اعادہ کیتا۔ بعد وچ فیلڈ مارشل سید عاصم منیر ماہرین تعلیم اتے سول سوسائٹی دے نمائندیں نال تعارفی نشست وچ شرکت کیتی جتھاں انہاں قومی یکجہتی، سول ملٹری حکمت اتے ہائی بریڈ خطرات دے مقابلے اتے معاشرتی حکمت دے ودھارے کیتے قومی سطح دی سانجھے داری دی اہمیت تے زور ݙتا۔دورے دے دوران چیف آف آرمی سٹاف پاک فوج دے فضائی شعبے وچ جدید زیڈ۔10 ایم ای ہیلی کاپٹر دی شمولیت دی تقریب دی صدارت وی کیتی۔ اے جدید ترین ہیلی کاپٹر رات اتے ݙینھ وچ درستگی نال حملے دی صلاحیت رکھیندے، جدید راڈار سسٹمز اتے جدید ترین الیکٹرانک وار فیئر سوئیٹس نال لیس اے ہیلی کاپٹر پاک فوج دی فضائی اتے زمینی خطرات نال نبݨݨ دی صلاحیت کوں نمایاں طور تے ودھیندے۔ بعد وچ چیف آف آرمی سٹاف مظفرڳڑھ فیلڈ فائرنگ ریجنز وچ نویں شامل کیتے ڳئے زیڈ۔10 ایم ای ہیلی کاپٹراں دی فائر پاور دا عملی مظاہرہ وی ݙٹھا، ایں جدید نظام دی شمولیت پاک فوج دے فضائی شعبہ دی جدیدیت دی طرف ہک اہم سنگ میل اے جیڑھا جو میدان جنگ وچ مؤثر ردعمل اتے دشمن تے فیصلہ کن برتری قائم کرݨ دی صلاحیت کوں مزید مضبوط کریندے۔جواناں نال ڳالھ مہاڑ کریندے آرمی چیف انہاں دے اچے حوصلے، پیشہ ورانہ مہارت اتے جنگی تیاریاں دی تعریف کیتی ۔ انہاں مشترکہ عسکری حربی حکمت عملی دے کامیاب مظاہرے کوں چنڳاں آکھدے آکھیے جو اے پاک فوج دے ایں عزم دی عکاسی کریندے جو او بدلدی ہوئی جنگی نوعیت وچ فیصلہ کن برتری برقرار رکھݨ کیتے پرعزم اے۔ ایں توں پہلے ملتان گیریژن آوݨ تے کور کمانڈر ملتان فیلڈ مارشل سید عاصم منیر دا استقبال کیتا۔
