لاہور۔2اگست (اے پی پی)اسلامی جمہوریہ ایران دے صدر ڈاکٹر مسعود پزشکیان مفکرِ پاکستان، شاعر مشرق حضرت علامہ محمد اقبال دے مزار تے حاضری ݙتی، پُھلاں دی چادر چڑھائی اتے فاتحہ خوانی کیتی۔ مزار اقبال پُڄݨ تے پنجاب رینجرز دے چاک و چوبند دستے انہاں کوں سلامی ݙتی۔ ایرانی صدر مسعود پزشکیان، ایرانی وزیر خارجہ عباس عراقچی اتے وفد دا استقبال کیتا ڳیا۔مزار اقبال تے چیئرمین رویت ہلال کمیٹی و خطیب …
ایرانی صدر دی مزار اقبال تے حاضری، علامہ اقبال دی سوچ اتے فلسفہ عالم اسلام کیتے مشعلِ راہ، مسعود پزشکیان
مزید خبراں
لاہور۔2اگست (اے پی پی)اسلامی جمہوریہ ایران دے صدر ڈاکٹر مسعود پزشکیان مفکرِ پاکستان، شاعر مشرق حضرت علامہ محمد اقبال دے مزار تے حاضری ݙتی، پُھلاں دی چادر چڑھائی اتے فاتحہ خوانی کیتی۔ مزار اقبال پُڄݨ تے پنجاب رینجرز دے چاک و چوبند دستے انہاں کوں سلامی ݙتی۔ ایرانی صدر مسعود پزشکیان، ایرانی وزیر خارجہ عباس عراقچی اتے وفد دا استقبال کیتا ڳیا۔مزار اقبال تے چیئرمین رویت ہلال کمیٹی و خطیب بادشاہی مسجد مولانا عبدالخبیر آزاد دعا کرائی۔ ایرانی صدر مہماناں دی کتاب وچ اپݨے تاثرات لکھئے اتے علامہ اقبال کوں خراجِ عقیدت پیش کیتا۔ معزز مہمان علامہ اقبال دی سوچ اتے فلسفے کوں عالم اسلام کیتے مشعلِ راہ قرار ݙتا۔لاہور ایئرپورٹ توں مزار اقبال تئیں اہم سڑکاں کوں خیرمقدمی بینرز نال سجایا ڳیا ہئی جݙاں جو ایرانی وفد دی سکیورٹی کیتے سخت حفاظتی انتظامات کیتے ڳئن۔ وزیراعلیٰ پنجاب مریم نواز، سینئر صوبائی وزیر مریم اورنگزیب، وزیر اطلاعات عظمیٰ بخاری، صوبائی وزیر ملک صہیب احمد و ݙوجھے اعلیٰ حکام وی ایں موقع تے موجود ہن۔
