پاکستان اتے ایران دے وزراء خارجہ دی ملاقات، ݙو طرفہ تعلقات کوں مضبوط بݨاوݨ تے زور

اسلام آباد۔2اگست(اے پی پی) پاکستان دے نائب وزیراعظم و وزیر خارجہ سینیٹر محمد اسحاق ڈار ہفتے کوں ایرانی وزیر خارجہ سید عباس عراقچی نال اسلام آباد وچ ملاقات کیتی اتے ݙوہائیں رہنماواں پاکستان-ایران تعلقات کوں مضبوط بݨاوݨ دے عزم دا اعادہ کیتا۔ترجمان دفتر خارجہ دی طرفوں جاری بیان دے موجب ایرانی وزیر خارجہ ایرانی صدر ڈاکٹر مسعود پیزشکیان دی قیادت وچ سرکاری دورے تے آئے وفد دا حصہ ہن۔ ملاقات دے دوران ݙوہائیں رہنماواں پاکستان-ایران تعلقات کوں مضبوط بݨاوݨ دے عزم دا اعادہ کیتا، جیں وچ علاقائی استحکام، تجارت اتے معاشی تعاون کوں ودھاوݨ تے خصوصی توجہ ݙتی ڳئی۔ انہاں سانجھی دلچسپی دے اہم شعبیں وچ ݙو طرفہ تعاون کوں ودھاوݨ تے وی ڳالھ مہاڑ کیتی۔