وفاقی وزیر داخلہ محسن نقوی دی بنوں دے نیڑے پولیس چوکی فتح خیل تے فتنہ الہندوستان دے دہشت گرداں دے حملے دی مذمت

اسلام آباد۔3اگست (اے پی پی) وفاقی وزیر داخلہ محسن نقوی بنوں دے نیڑے پولیس چوکی فتح خیل تے فتنہ الہندوستان دے دہشت گرداں دے حملے دی مذمت کریندے آکھیے جو پولیس تاریکی وچ حملہ کرݨ آلے بھارتی حمایت یافتہ دہشت گرداں دا بہادری نال مقابلہ کیتا، خیبر پختونخوا پولیس دے بہادر پُتر روح نیاز دی وݙی قربانی کوں ہمیشہ یاد رکھیا ویسی۔وزارت داخلہ توں جاری بیان وچ وزیر داخلہ فتنہ الہندوستان دے دہشت گرداں دا بہادری نال مقابلہ کریندے شہید تھیوݨ آلے پولیس اہلکار کوں خراج عقیدت پیش کیتا اتے لواحقین نال دلوں ہمدردی و تعزیت وی کیتی۔ انہاں آکھیا جو زخمی اہلکاراں دی وختی صحت یابی کیتے دعا منڳی محسن نقوی حملہ آور 2 بھارتی سپانسرڈ دہشت گرداں کوں عبرت دا نشان بݨاوݨ تے پولیس کوں خراج تحسین وی پیش کیتا۔ انہاں آکھیا جو شہید پولیس اہلکار روح نیاز دی قربانی کوں سلام پیش کریندن۔وفاقی وزیر داخلہ مزید آکھیا جو پولیس تاریکی وچ حملہ کرݨ آلے بھارتی حمایت یافتہ دہشت گرداں دا بہادری نال مقابلہ کیتا اتے جرات نال حملے کوں ناکام بݨیندے ہوئیں 2 دہشت گرداں کوں عبرتناک انجام تئیں پُچایا۔ محسن نقوی آکھیا جو پولیس اہلکار فرض دے رستے وچ جان ݙے تے شہادت دا اعلیٰ درجہ پاتے، خیبر پختونخوا پولیس دے بہادر پُتر دی وݙی قربانی کوں ہمیشہ یاد رکھیا ویسی۔