اسلام آباد۔3اگست (اے پی پی) اسلامی جمہوریہ ایران دے صدر مسعود پزشکیان دے وزیراعظم ہاؤس آوݨ تے وزیراعظم محمد شہباز شریف انہاں دا دلوں خیرمقدم کیتا۔ ایرانی صدر دے اعزاز وچ پروقار استقبالیہ تقریب منعقد کیتی ڳئی۔ ایں توں پہلے وزیراعظم ہاؤس آوݨ تے ایرانی صدر دا وزیراعظم دلوں استقبال کیتا، ݙوہائیں رہنماواں گرمجوشی نال ہتھ ملایا اتے خیرسگالی دے کلمے آکھئے جیں دے بعد فوٹو سیشن تھیا۔ استقبالیہ تقریب …
ایرانی صدر مسعود پزشکیان دی وزیراعظم ہاؤس آمد، وزیراعظم محمد شہباز شریف دا دلوں خیرمقدم، مسلح افواج دے چاک و چوبند دستے معزز مہمان کوں گارڈ آف آنر پیش کیتا
مزید خبراں
اسلام آباد۔3اگست (اے پی پی) اسلامی جمہوریہ ایران دے صدر مسعود پزشکیان دے وزیراعظم ہاؤس آوݨ تے وزیراعظم محمد شہباز شریف انہاں دا دلوں خیرمقدم کیتا۔ ایرانی صدر دے اعزاز وچ پروقار استقبالیہ تقریب منعقد کیتی ڳئی۔ ایں توں پہلے وزیراعظم ہاؤس آوݨ تے ایرانی صدر دا وزیراعظم دلوں استقبال کیتا، ݙوہائیں رہنماواں گرمجوشی نال ہتھ ملایا اتے خیرسگالی دے کلمے آکھئے جیں دے بعد فوٹو سیشن تھیا۔ استقبالیہ تقریب دے شروع وچ ݙوہائیں ملکاں دے قومی ترانے وڄائے ڳئے اتے مسلح افواج دے چاک و چوبند دستیں معزز مہمان کوں گارڈ آف آنر پیش کیتا۔
وزیراعظم ایران دے صدر دا نائب وزیراعظم و وزیر خارجہ سینیٹر محمد اسحاق ڈار، وزیر دفاع خواجہ محمد آصف، وفاقی وزیر قومی غذائی تحفظ و تحقیق رانا تنویر حسین، وزیر مواصلات عبدالعلیم خان، وزیر ہاؤسنگ ریاض حسین پیرزادہ، وزیر ریلوے محمد حنیف عباسی، وزیر تجارت جام کمال خان، وزیر اطلاعات و نشریات عطاء اللہ تارڑ سودھے وفاقی کابینہ دے ارکان احمد چیمہ، علی پرویز ملک، ہارون اختر خان، طارق فاطمی سودھے اعلیٰ حکام نال تعارف کروایا۔ بعد وچ ایران دے صدر وزیراعظم محمد شہباز شریف نال اپݨے کابینہ ارکان دا تعارف کرایا۔ ڈاکٹر مسعود پزشکیان وزیراعظم ہاؤس دے سبزے وچ یادگاری ٻوٹا وی لاتا۔ ایں موقع تے عالم اسلام دی ترقی و خوشحالی کیتے خصوصی دعا کیتی ڳئی۔ وزیراعظم محمد شہباز شریف اتے ایرانی صدر وفداں دی سطح تے ملاقات کریسن اتے ݙوہائیں ملکاں دے سانجھے رابطیں دے ودھارے اتے علاقائی صورتحال تے ڳالھ مہاڑ کریسن۔
