اسلام آباد۔3اگست (اے پی پی) نائب وزیراعظم / وزیر خارجہ سینیٹر محمد اسحاق ڈار اسلامی جمہوریہ ایران دے صدر نال ملاقات کیتی اے۔ ترجمان دفتر خارجہ توں جاری اعلامیہ موجب ملاقات اتوار کوں اتھاں اسلامی جمہوریہ ایران دے صدر ڈاکٹر مسعود پیزشکیان دے ݙو ݙینھ دے دورہ پاکستان دے موقع تے تھئی۔ایرانی صدر دا خیرمقدم کریندے نائب وزیراعظم / وزیر خارجہ سانجھی تاریخ، سانجھے ثقافتی ورثے، عقیدے اتے سانجھے …
نائب وزیراعظم / وزیر خارجہ سینیٹر محمد اسحاق ڈار دی اسلامی جمہوریہ ایران دے صدر نال ملاقات
مزید خبراں
اسلام آباد۔3اگست (اے پی پی) نائب وزیراعظم / وزیر خارجہ سینیٹر محمد اسحاق ڈار اسلامی جمہوریہ ایران دے صدر نال ملاقات کیتی اے۔ ترجمان دفتر خارجہ توں جاری اعلامیہ موجب ملاقات اتوار کوں اتھاں اسلامی جمہوریہ ایران دے صدر ڈاکٹر مسعود پیزشکیان دے ݙو ݙینھ دے دورہ پاکستان دے موقع تے تھئی۔ایرانی صدر دا خیرمقدم کریندے نائب وزیراعظم / وزیر خارجہ سانجھی تاریخ، سانجھے ثقافتی ورثے، عقیدے اتے سانجھے احترام دیاں مضبوط بنیاداں تے زور ݙیندے ایران دے نال اپݨےتاریخی اتے برادرانہ تعلقات کیتے پاکستان دے گھاٹے عزم دا اعادہ کیتا۔ صدر مسعود پیزشکیان پاکستان دی حمایت دی تعریف کیتی تے سانجھی دلچسپی دے مختلف شعبیں وچ ݙو طرفہ تعاون کوں ودھاوݨ دے ایران دے عزم دا اعادہ کیتا۔ انہاں ݙوہائیں دوست ملکاں وچال سیاسی اتے اقتصادی تعلقات کوں مزید تکڑا کرݨ کیتے پاکستانی رہنماواں نال بامعنی ڳالھ مہاڑ دا وی ذکر کیتا۔
