وفاقی وزیراطلاعات عطاء اللہ تارڑ دا پی ٹی وی ورلڈ دے انچارج سید نمود مسلم دی والدہ دے انتقال تے ݙکھ تے افسوس

اسلام آباد۔3اگست (اے پی پی) وفاقی وزیر اطلاعات و نشریات عطاء اللہ تارڑ پی ٹی وی ورلڈ دے انچارج سید نمود مسلم دی والدہ دے انتقال تے ݙکھ تے افسوس کیتے۔ آپݨے تعزیتی بیان وچ وفاقی وزیر اطلاعات سید نمود مسلم اتے ݙوجھے گھرآلیں نال دلوں تعزیت اتے ہمدردی کریندے آکھیا جو سید نمود مسلم دی والدہ دے انتقال دی خبر سݨ تے افسوس تھئے۔ انہاں آکھیا جو ماء جیھی وݙی ہستی دا دنیا توں ونڄݨ ہک نہ پُر تھیوݨ آلا نقصان اے، اساں ایں ݙکھ وچ برابر دے شریک ہیسے۔