نو مئی دے مقدمیاں دیاں سزاواں قانون دے مطابق ݙتیاں ڳئیاں، وفاقی وزیر اطلاعات عطاء اللہ تارڑ دا قومی اسمبلی اجلاس اچ بیان

اسلام آباد۔4اگست (اے پی پی) وفاقی وزیر اطلاعات و نشریات عطاء اللہ تارڑ آکھیے جو 9 مئی دے مقدمیاں دیاں سزاواں قانون دے مطابق ݙتیاں ڳئن، 9 مئی دے واقعے اچ کیہڑھے لوک شامل ہن، ہر کہیں کوں پتا اے، شہیداں دیاں یادگاراں دی بے حرمتی، قومی املاک کوں نقصان پُچاوݨ آلے لوکاں کوں اپݨے کماں دا ٻھوڳ ٻھوڳݨا ہوسی، میاں اظہر دی وفات نال سیاسی خلاء سوکھے پر نا تھی سڳسی اتے مرحوم دیاں خدمتاں کوں ہمیشہ یاد رکھیا ویسی۔ قومی اسمبلی اجلاس اچ الیندے وفاقی وزیر اطلاعات آکھیا جو سابق گورنر پنجاب میاں اظہر نال مسلم لیگ (ن) دے قائد نواز شریف اتے وزیراعظم شہباز شریف دے والد میاں محمد شریف دے ݙاݙھے تکڑے تعلقات ہن، میاں اظہر دی وفات نہ صرف پاکستان دی سیاستٻھل ایں ایوان دا وی وݙا نقصان اے۔ انہاں آکھیا جو “لاہور دی سیاست اچ میاں اظہر دا ہک موثر اتے تاریخی کردار رہے جیکوں ہمیشہ یاد رکھیا ویسی۔” انہاں آکھیا جو “جݙاں میاں نواز شریف اتے شہباز شریف دی والدہ محترمہ دا انتقال تھیا ہا تاں اساں عدالت توں سماعت ملتوی کرݨ دی درخواست کیتی جیںدے تے آکھیا ڳیا جو اُتوں حکم نئیں، بانی پی ٹی آئی ہر ویلھے اپ ڈیٹ گھندن۔” 9 مئی دے واقعے اچ شامل ملزماں کوں ݙتیاں ڳئیاں سزاواں دا ݙسیندے وفاقی وزیر اطلاعات آکھیا جو “9 مئی دے جھیں واقعے تاریخ اچ پہلے کݙاہیں نئیں ݙٹھے ڳئے۔” نو مئی دے واقعے اچ شامل عنصراں شہداء دیاں یادگاراں دی بے حرمتی کیتی، کرنل شیر خان شہید دے مجسمے کوں نقصان پُچایا اتے عسکری تنصیبات تے حملے کیتے، انہاں نو مئی کوں جو کجھ کیتا ہن، انہاں کوں بھوڳݨا پوسی، “نو مئی دے واقعے تے قوم توں اڄ تئیں معافی نئیں منڳی ڳئی، جئیں اے سارا کڄھ کیتا او سارے سنڄاݨے ونڄ چکین۔” انہاں آکھیا “جیکر کہیں کوں اعتراض اے تاں او عدالت نال رابطہ کرے۔”