قومی اسمبلی 5 اگست 2019 دے بھارتی اقدامات دے خلاف ’’قرارداد یوم استحصال‘‘ دی متفقہ منظوری ݙے ݙتی

اسلام آباد۔5اگست (اے پی پی) قومی اسمبلی ’’قرارداد یوم استحصال‘‘ دی متفقہ منظوری ݙیندیں ہوئیں آکھیا جو “پاکستان بھارت دے انہاں سارے قوانین اتے پالیسیاں کوں مسترد کریندے جنہاں دا مقصد ایں دے غیر قانونی زیر تسلط جموں تے کشمیر دے آبادیاتی ڈھانچے اتے سیاسی نقشے کوں تبدیل کرݨ اے، بھارت 5 اگست دے ہک پاسے اتے غیر قانونی اقدام کوں واپس ڳھنے، انسانی حقوق دی صورتحال بہتر بݨاوے۔” منگل کوں قومی اسمبلی اچ حکومت اتے اپوزیشن ولوں متفقہ قرارداد وفاقی وزیر امور کشمیر وگلگت بلتستان انجینئر امیر مقام پیش کیتی۔ قرارداد اچ آکھیا ڳیا جو “5 اگست 2019 کوں بھارت ولوں ایں دے غیر قانونی زیر تسلط جموں تے کشمیر دے حوالے نال کیتے ڳئے غیر قانونی اتے ہک پاسے اقدامات دے سلسلے اچ چھینویں یوم استحصال دے موقع تے اے ایوان کشمیر یوں دی حق خودارادیت دے حصول دی جائز اتے اصولی جدوجہد، جو اقوام متحدہ دی سلامتی کونسل دی متعلقہ قرارداداں اچ تسلیم شدہ اے دی غیر متزلزل سیاسی، سفارتی اتے اخلاقی حمایت دا اعادہ کریندے اتے گزریل 6 سالاں اچ بھارت دے انہاں سارے اقدامات کوں مسترد کریندے جو ایں جموں و کشمیر اچ آپݨے قبضے کوں مستحکم کرݨ اتے ایں دی بین الاقوامی طور تے تسلیم شدہ متنازع حیثیت کوں ختم کرݨ کیتے چاتے ہن۔قرارداد اچ آکھیا ڳیا جو “پاکستان بھارت دے انہاں سارے قوانین اتے پالیسیاں کوں مسترد کریندے جنہاں دا مقصد بھارت دے غیر قانونی زیر تسلط جموں تے کشمیر دے آبادیاتی ڈھانچے اتے سیاسی نقشے کوں تبدیل کرݨ اے۔ قرارداد اچ آکھیا ڳیا جو “اے ایوان ایں ڳالھ تے زور ݙیندے جو اے بھارتی اقدامات اقوام متحدہ دی سلامتی کونسل دی متعلقہ قرارداداں اتے بین الاقوامی معاہدیاں بشمول چوتھے جنیوا کنونشن دی صریح خلاف ورزی ہن۔ اے ایوان کشمیری عوام دی جرات، بہادری اتے قربانیاں کوں زبردست خراج تحسین پیش کریندے جو بھارتی قبضے دے خلاف عزت ووقار تے ثابت قدمی دے نال مزاحمت جاری اے۔ قرارداد اچ آکھیا ڳیا اے جو “بھارت ولوں ایں دے غیر قانونی زیر تسلط جموں و کشمیر اچ جاری انسانی حقوق دی سنگین خلاف ورزیاں دی شدید مذمت کریندے۔اے ایوان ایں امر تے زور ݙیندے جو جموں تے کشمیر دا تنازعہ اقوام متحدہ دی سلامتی کونسل دی قراداداں اتے کشمیری عوام دی خواہشات موجب حل کیتا ونجݨا چاہیدے اتے اے ایوان مطالبہ کریندے جو بھارت 5 اگست دے ہک پاسے اتے غیر قانونی اقدام کوں واپس ڳھنے، انسانی حقوق دی صورتحال بہتر بݨاوے، کشمیری سیاسی قیدیاں کوں رہا کرے، کالے قوانین کوں ختم کرے اتے آزاد انسانی حقوق دے مبصرین، صحافیاں اتے انسانی حقوق دے محافظاں کوں غیر قانونی زیر قبضہ کشمیر اچ بلا رکاوٹ رسائی ݙیوے۔