فیلڈ مارشل سید عاصم منیر نال چین دے وزیر خارجہ وانگ ژی دی ملاقات، سدا بہار سٹریٹجک سانجھ کوں مضبوط بݨاوݨ دے عزم دا اعادہ کیتا، آئی ایس پی آر

راولپنڈی۔22اگست (اے پی پی) پاکستان اتے چین سدا بہار سٹریٹجک سانجھ کوں مضبوط بݨاوݨ اتے علاقائی اتے بین الاقوامی فورمز تے ہم آہنگی ودھاوݨ دے عزم دا اعادہ کیتے۔ آئی ایس پی آر توں جاری بیان موجب چین دے وزیرخارجہ وانگ ژی اسلام آباد اچ ݙوجھیاں مصروفیات دے نال چیف آف آرمی سٹاف، فیلڈ مارشل سید عاصم منیر نال وی ملاقات کیتی۔ ملاقات اچ علاقائی سلامتی، انسداد دہشت گردی اتے سانجھی دلچسپی دے امور تے ڳالھ مہاڑ تھئی۔ ݙوہیں پاسوں سدا بہار سٹریٹجک سانجھ کوں مضبوط بݨاوݨ اتے علاقائی اتے بین الاقوامی فورمز تے ہم آہنگی ودھاوݨ دے عزم دا اعادہ کیتا۔ وانگ ژی پاکستان دی خودمختاری اتے ترقی کیتے چین دی مستقل حمایت دا اعادہ کیتا۔ چیف آف آرمی سٹاف، فیلڈ مارشل سید عاصم منیر چین دی مسلسل حمایت تے شکریہ ادا کیتا۔ ملاقات اچ خطے اچ امن، استحکام اتے خوشحالی کوں اڳوں ودھاوݨ دے سانجھے عزم دا اظہار کیتا ڳیا۔