نومئی کرݨ آلے اتے کراوݨ آلے کہیں معافی دے حقدار کائنی، وزیر اطلاعات پنجاب عظمی بخاری

لاہور۔22اگست (اے پی پی) وزیر اطلاعات پنجاب عظمیٰ بخاری آکھیے جو 9 مئی کرݨ آلے اتے کراوݨ آلے کہیں معافی دے حقدار کائنی ، قوم 9 مئی دے ماسٹر مائنڈ اتے سہولت کاراں دا مکمل احتساب چاہندی اے۔ آپݨے ھک بیان اچ انہاں آکھیے جو 9 مئی دے حملیں پوری دنیا اچ پاکستان دی بے عزتی کروائی، ناکام بغاوت اتے سازش دے مرتکب کردار سیاسی لبادے اچ نئیں لُک سڳدے، سیاست دی آڑ اچ ریاست تے چڑھائی اتے شہیداں دے مجسمے سَٹ تے قوم دی کِہڑی خدمت کیتی ڳئی؟” عظمیٰ بخاری آکھیا جو “9 مئی کرݨ آلے اتے کراوݨ آلے کہیں معافی دے حقدار کائنی ، 9 مئی ہک ناکام بغاوت ہئی جیں دے سارے شواہد سامݨے آ چکن، ہݨ ایں ناکام بغاوت دے کردار انتقامی سیاست دا ناں ݙے تے مظلوم نئیں بݨ سڳدے۔ انہاں آکھیا جو قوم 9 مئی دے ماسٹر مائنڈ اتے سہولت کاراں دا مکمل احتساب چاہندی اے، مقبولیت تاں فرعون اتے شیطان دی وی ٻہوں ہئی لیکن او فرشتے نی بݨ سڳدے۔ وزیر اطلاعات مزید آکھیے جو 9 مئی دے ماسٹر مائنڈ دے سارے کارڈ اتے تحریکاں ناکام تھی چُکئن، ہݨ ایں کوں آپݨے گناہوں دا حساب ݙیوݨ دا ویلھا آ ڳئے۔