حج 2026 کیتے سرکاری حج سکیم دے تحت درخواستاں دی تعداد مکمل تھیوݨ تے بینکاں کوں وصولی روکݨ دے احکامات جاری

اسلام آباد۔22اگست (اے پی پی) حج 2026 کیتے سرکاری حج سکیم دے تحت درخواستاں دی تعداد مکمل تھیوݨ تے بینکاں کوں وصولی روکݨ دے احکامات جاری کر ݙتے ڳئن۔ وزارت مذہبی امور دے ترجمان “اے پی پی” نال خصوصی ڳالھ مہاڑ کریندیں آکھیے جو “ہک لکھ 18 ہزار 60 درخواستاں مل ڳئن ۔ وزارت مذہبی امور بینکاں کوں باقاعدہ طور تے حکم ݙتے جو درخواستاں دی وصولی روک ݙتی ونڄے۔ انہاں آکھیا جو اساں بینکاں کوں آکھیے جو او جمع تھیوݨ آلیاں درخواستاں دے ڈیٹا دا ہک واری مقابلہ کرگھنن تاں جو کہیں وی قسم دا ابہام نہ رہے۔