پاکستان دا “پاکستان۔بنگلہ دیش نالج کوریڈور” شروع کرݨ دا اعلان

ڈھاکہ۔24اگست (اے پی پی) پاکستان نے نائب وزیراعظم / وزیر خارجہ سینیٹر محمد اسحاق ڈار دے دورہ بنگلہ دیش دے موقع تے “پاکستان۔بنگلہ دیش نالج کوریڈور” شروع کرݨ دا اعلان کیتے، ایں منصوبے اچ بنگلہ دیشی طالب علماں کوں اڳوں پنج سالاں دے دوران پاکستان اچ اعلیٰ تعلیم حاصل کرݨ کیتے 500 وظیفے ݙتے ویسن۔ انہاں وظیفیں دا ہک چوتھائی طب دے شعبے اچ ݙتا ویسی۔ ایں توں انڄ ایں مدت دے دوران 100 بنگلہ دیشی سرکاری ملازماں کیتے تربیت دا وی اہتمام کیتا ویسی۔ پاکستان پاکستان ٹیکنیکل اسسٹنس پروگرام دے تحت بنگلہ دیشی طالب علماں کیتے مختص سکالرشپس کوں 5 توں ودھا تے 25 کرݨ دا وی فیصلہ کیتے۔