نائب وزیراعظم اسحاق ڈار اتے بنگلہ دیش دے چیف ایڈوائزر پروفیسر محمد یونس دی ملاقات، تجارتی و اقتصادی تعاون ودھاوݨ تے ڳالھ مہاڑ

ڈھاکہ۔24اگست (اے پی پی) نائب وزیراعظم / وزیر خارجہ سینیٹر محمد اسحاق ڈار بنگلہ دیش دے چیف ایڈوائزر پروفیسر محمد یونس نال ملاقات کیتی، ملاقات دے دوران ݙوہیں ملکاں وچال پراݨے تعلقات دی بحالی، نینگراں وچال رابطیں دے ودھارے سودھے تجارتی و اقتصادی تعاون ودھاوݨ تے ڳالھ مہاڑ کیتی ڳئی۔ دفتر خارجہ توں جاری بیان دے مطابق نائب وزیراعظم اسحاق ڈار ڈھاکہ اچ بنگلہ دیش دے چیف ایڈوائزر پروفیسر محمد یونس نال ملاقات کیتی، ملاقات دے دوران ݙوہیں رہنماواں خطے اچ اڄوکی پیش رفت اتے علاقائی تعاون دے امکانات تے ڳالھ مہاڑ کیتی۔ نائب وزیراعظم اسحاق ڈار وزیراعظم پاکستان محمد شہباز شریف ولوں چیف ایڈوائزر کیتے نیک خواہشات دا پیغام ݙتا۔ انہاں چیف ایڈوائزر کوں ڈھاکہ اچ آپݨیاں مصروفیات اتے دورے دے اہم نتائج توں وی آگاہ کیتا۔ انہاں دورے دے دوران بہترین انتظامات اتے انہاں دے وفد دی شاندار میزبانی تے چیف ایڈوائزر دا شکریہ ادا کیتا