اسلام آباد۔27اگست (اے پی پی) سپیکر قومی اسمبلی سردار ایاز صادق پنجاب دے مختلف ضلعیں اچ اڄوکی چھل پاروں تھیوݨ آلے جانی و مالی ضیان تے ݙکھ تے افسوس کیتے ۔ انہاں آکھیا جو اڄوکے ساوݨ مینھ دے نتیجے اچ دریاواں اچ پاݨی دی سطح اچ غیر معمولی ودھارا تھئے جیں دی وجہ نال لوکاں کوں شدید مسئلیں دا سامݨا کرݨا پوندا پئے ۔ انہاں آکھیا جیڑھی آزمائش دی ایں …
سپیکر قومی اسمبلی سردار ایاز صادق دا اڄوکی چھل پاروں جانی و مالی ضیان تے ݙکھ تے افسوس
مزید خبراں
اسلام آباد۔27اگست (اے پی پی) سپیکر قومی اسمبلی سردار ایاز صادق پنجاب دے مختلف ضلعیں اچ اڄوکی چھل پاروں تھیوݨ آلے جانی و مالی ضیان تے ݙکھ تے افسوس کیتے ۔ انہاں آکھیا جو اڄوکے ساوݨ مینھ دے نتیجے اچ دریاواں اچ پاݨی دی سطح اچ غیر معمولی ودھارا تھئے جیں دی وجہ نال لوکاں کوں شدید مسئلیں دا سامݨا کرݨا پوندا پئے ۔ انہاں آکھیا جیڑھی آزمائش دی ایں اوکھی گھڑی اچ پارلیمان اتے پوری قوم متاثرہ بھراواں اتے بھیݨاں دے نال مکمل یکجہتی دا اظہار کریندی اے۔ سپیکر سردار ایاز صادق متعلقہ اداریں اتے ضلعی انتظامیہ کوں ہدایت کیتی جو متاثرہ علاقیں اچ بر ویلھے اتے موثر ریلیف و ریسکیو آپریشن کوں یقینی بݨاون اتے متاثرہ لوکاں دی ہر ممکن مدد کیتے ٹھوس اقدامات کرن۔ انہاں دریاواں دے کنارے تے رہائش پذیر شہریاں توں اپیل کیتی جو او حفاظتی اقدامات دے تحت محفوظ علاقیں تے منتقل تھی ونڄن۔ انہاں آکھیا جو لوک ممکنہ چھل دے خطرات پاروں سارے حفاظتی تدبیراں اختیار کرن۔ سپیکر سردار ایاز صادق بھارت دی طرفوں بغیر ݙسائے دریاواں اچ پاݨی چھوڑݨ دے غیر ذمے دارانہ اقدام دی شدید لفظاں اچ مذمت کیتی۔ انہاں آکھیا جو بھارت عالمی قوانین دی سنگین خلاف ورزی کریندیں ہکے ویلھے غیر معمولی مقدار اچ پاݨی چھوڑیا جیں دے نتیجے اچ پاکستان اچ تباہ کن چھل دی صورتحال پیدا تھئی جیں نال پاکستان کوں کھرباں دا ضیان چاوݨا پوندا پئے۔انہاں واضح کیتا جو بھارت دا اے اقدام نہ صرف انسانی ہمدردی دے اصولاں دے خلاف اے بلکہ عالمی ضابطیں دی وی کھلی خلاف ورزی اے۔
