اسلام آباد۔27اگست(اے پی پی)پاکستان اتے بیلا روس انسداد دہشت گردی، بارڈر سکیورٹی اتے پولیس ٹریننگ اچ تعاون ودھاوݨ تے اتفاق کیتے۔ بیلاروس دے وزیر داخلہ ایوان کبرکوف پاکستان دے دورے اچ وزارت داخلہ پُجین جتھاں وفاقی وزیر داخلہ محسن نقوی انہاں دا استقبال کیتا۔ ایں موقع تے ݙوہیں وزرائے داخلہ وچال ون آن ون اتے وفداں دی سطح تے مذاکرات تھئے جیندے اچ ݙوطرفہ تعلقات اتے آپسی دلچسپی دے معاملیاں …
وزیر داخلہ محسن نقوی نال بیلاروس دے وزیر داخلہ ایوان کبرکوف دی ملاقات
مزید خبراں
اسلام آباد۔27اگست(اے پی پی)پاکستان اتے بیلا روس انسداد دہشت گردی، بارڈر سکیورٹی اتے پولیس ٹریننگ اچ تعاون ودھاوݨ تے اتفاق کیتے۔ بیلاروس دے وزیر داخلہ ایوان کبرکوف پاکستان دے دورے اچ وزارت داخلہ پُجین جتھاں وفاقی وزیر داخلہ محسن نقوی انہاں دا استقبال کیتا۔ ایں موقع تے ݙوہیں وزرائے داخلہ وچال ون آن ون اتے وفداں دی سطح تے مذاکرات تھئے جیندے اچ ݙوطرفہ تعلقات اتے آپسی دلچسپی دے معاملیاں تے تفصیلی گالھ مہاڑ تھئی۔ ملاقات اچ پاکستان اتے بیلاروس وچال انسداد دہشت گردی، انسداد منشیات، بارڈر سکیورٹی اتے پولیس ٹریننگ دے شعبیاں اچ تعاون ودھاوݨ تے اتفاق کیتا ڳیا۔ ݙوہیں ملکاں وچال ایکسٹراڈیشن معاہدے کوں آخری شکل ݙے تے عمل درآمد کیتے پروٹوکول تے دستخط کیتے ڳئے جݙاں جو وزارت داخلہ وچال ہک جوائنٹ ورکنگ گروپ بݨاوݨ تے وی اتفاق کیتا ڳیا۔ ملاقات اچ اے فیصلہ وی کیتا ڳیا جو انسداد منشیات دے شعبے اچ تعاون ودھاوݨ کیتے جلدی مفاہمت دی یادداشت تے دستخط کیتے ویسن اتے پولیس ٹریننگ ایکسچینج پروگرام وی شروع کیتا ویسی۔ محسن نقوی آکھیا جو اساݙی پوری کوشش ہوسی جو مکمل جانچ پڑتال دے بعد بہترین افرادی قوت بیلاروس بھیجی ونڄے۔ بیلاروس دے وزیر داخلہ ایوان کبرکوف آکھیا جو انہاں دا ملک پاکستان نال آپسی تعاون کوں ہر شعبے اچ ودھاوݨ چاہندے۔ انہاں وزیر داخلہ محسن نقوی کوں دورہ بیلاروس دی دعوت ݙتی۔ ایں موقع تے وزیر مملکت داخلہ طلال چوہدری، سیکرٹری داخلہ، سپیشل سیکرٹری و ایڈیشنل سیکرٹریز داخلہ، کمانڈنٹ نیشنل پولیس اکیڈمی، ڈی جی سائبر کرائم، ڈائریکٹر اینٹی نارکوٹکس فورس اتے ݙوجھے متعلقہ حکام وی موجود ہن
