اسلام آباد۔28اگست (اے پی پی) وفاقی وزیر قومی ورثہ و ثقافت اورنگزیب خان کھچی لوک ورثہ اچ ٻوٹا لا تے شجرکاری مہم دا افتتاح کر ݙتا۔ وفاقی وزیر دے نال پارلیمانی سیکرٹری قومی ورثہ و ثقافت فرح ناز اکبر، رکن قومی اسمبلی نزہت صادق اتے سیکرٹری آئی پی سی محی الدین احمد وانی وی موجود ہن۔ ایں موقع تے لوک ورثہ دے فنکاراں و ملازماں وی شجرکاری مہم اچ بھرپور …
وفاقی وزیر اورنگزیب خان کھچی لوک ورثہ اچ شجرکاری مہم دا افتتاح کر ݙتا
مزید خبراں
اسلام آباد۔28اگست (اے پی پی) وفاقی وزیر قومی ورثہ و ثقافت اورنگزیب خان کھچی لوک ورثہ اچ ٻوٹا لا تے شجرکاری مہم دا افتتاح کر ݙتا۔ وفاقی وزیر دے نال پارلیمانی سیکرٹری قومی ورثہ و ثقافت فرح ناز اکبر، رکن قومی اسمبلی نزہت صادق اتے سیکرٹری آئی پی سی محی الدین احمد وانی وی موجود ہن۔ ایں موقع تے لوک ورثہ دے فنکاراں و ملازماں وی شجرکاری مہم اچ بھرپور حصہ ڳھدا اتے احاطہ لوک ورثہ اچ ٻوٹے رادھے۔ تقریب اچ طالبات دی ہک وݙی تعداد وی موجود ہئی جنہاں سرگرم انداز اچ شجرکاری اچ حصہ ڳھدا۔ وفاقی وزیر اورنگزیب خان کھچی تقریب توں خطاب کریندیں آکھیا جو موسمیاتی تبدیلیاں دا مقابلہ کرݨ اتے آوݨ آلی نسلاں کیتے ماحول محفوظ بݨاوݨ کیتے سانجھیاں کوششاں ضروری ہن۔ انہاں آکھیا جو ثقافت اتے ورثہ دے ادارے صرف روایتاں دے محافظ کائنی بلکہ ماحولیاتی ذمے واری کوں ودھاوݨ اچ وی اہم کردار ادا کریندن۔ وفاقی وزیر طالبات اتے ملازماں دی شمولیت دی تعریف کریندے آکھیے جو انہاں دی شرکت ایں عزم دی عکاسی کریندی اے جو اساں سارے رل تے نہ صرف آپݨے ثقافتی ورثے دی حفاظت کریسوں بلکہ ماحولیاتی پائیداری کوں وی یقینی بݨیسن۔
