اسلام آباد۔29اگست (اے پی پی)وفاقی وزیر برائے قومی غذائی تحفظ و تحقیق رانا تنویر حسین سی آئی ایم ایم وائی ٹی دے پاکستان اچ کنٹری ریپریزنٹیٹو ڈاکٹر ساجد علی نال ہک اعلیٰ سطح اجلاس دی اڳواݨی کیتی۔ اجلاس اچ پاکستان اتے سی آئی ایم ایم وائی ٹی وچال جاری ساڄھے داری اتے کݨک دی پیداوار ودھاوݨ اتے ملک اچ خوراک اتے غذائیت دے تحفظ سانڳے نویں حکمت عملی دا جائزہ گھدا ڳیا۔ ڈاکٹر ساجد علی وفاقی وزیر کوں پاکستان دی زرعی ترقی اچ سی آئی ایم ایم وائی ٹی دے کردار اتے سی آئی ایم ایم وائی ٹی دے ڈائریکٹر جنرل ڈاکٹر برام گووارٹس دے دورہ پاکستان دا وی ݙسیا ڄیڑھا 14 توں 16 ستمبر 2025ء کوں متوقع اے۔ آپݨے دورے اچ ڈاکٹر گووارٹس وزارت، قومی اداریاں اتے بین الاقوامی شراکت داراں نال ملاقاتاں کریسن۔ وفاقی وزیر پاکستان اچ سی آئی ایم ایم وائی ٹی دیاں سرگرمیاں کیتے حکومت دی ودھ حمایت دا اعادہ کیتا اتے ایں ساجھے داری کوں غذائی لوڑھ آپ پوری کرݨ اتے عوام کیتے بہتر غذائیت سانڳے اہم قرار ݙتا۔
