لاہور۔30اگست (اے پی پی) دریائے سندھ، چناب، راوی، ستلج اتے جہلم دے نال لڳدے چھل متاثرہ علاقیں توں 92 ہزار 844 لوکاں کوں ریسکیو کیتا ڳئے۔ ترجمان ریسکیو پنجاب فاروق احمد ݙسایا جو صوبے دے سارے چھل آلے علاقیں اچ 808 ریسکیو ٻیڑیاں دے نال فلڈ ریسکیو آپریشن جاری اے، چھل اچ پتھے لوک ہنگامی صورتحال اچ ریسکیو ہیلپ لائن 1122 تے کال کرتے آپݨی جاہ صاف ݙسن۔ انہاں آکھیا جو اڄوکی چھل اچ ہݨ تئیں بہاولپور توں 20552 لوکاں، قصور توں 14574، پاکپتن توں 8778، اوکاڑہ توں 7422، گوجرانوالہ توں 4830، وہاڑی توں 4253، ننکانہ صاحب توں 4229، حافظ آباد توں 3999، منڈی بہاؤالدین توں 3801، نارووال توں 3570 اتے بہاول نگر توں 3150 لوکاں کوں کڈھیا تے ٹرانسپورٹ ݙتی ڳئی اے۔ ترجمان ریسکیو ݙسایا جو ہݨ تئیں جہلم توں 1846 لوکاں، سیالکوٹ توں 1728، لیہ توں 2081، شیخوپورہ توں 1022، میانوالی توں 899، چنیوٹ توں 792، گجرات توں 785 اتے سرگودھا توں 505 لوکاں کوں کڈھیے اتے ٹرانسپورٹ ݙتی ڳئی، ایویں ہݨ تئیں دیرہ غازی خان توں 1592 لوکاں، خانیوال توں 428، مظفرگڑھ توں 524، لودھراں توں 205، ملتان توں 155، راجن پور توں 155، اٹک توں 53، جھنگ توں 279، ٹوبہ ٹیک سنگھ توں 144، ساہیوال توں 29 اتے فیصل آباد توں 76 لوکاں کوں کڈھیے اتے ٹرانسپورٹ ݙتی ڳئی۔ ترجمان آکھیے جو قصور اچ 74 ریسکیو ٻیڑیاں ، لاہور اچ 17، اوکاڑہ اچ 37، پاکپتن اچ 26، بہاول نگر اچ 27، ملتان اچ 32، فیصل آباد اچ 7، ساہیوال اچ 8، وہاڑی اچ 18، بہاولپور اچ 20 اتے لودھراں اچ 10 ریسکیو ٻیڑیاں کم کریندیاں پئن، ایویں سیالکوٹ اچ 37 ریسکیو ٻیڑیاں شیخوپورہ اچ 23، گجرات اچ 16، گوجرانوالہ اچ 36، منڈی بہاؤالدین اچ 22، حافظ آباد اچ 43، سرگودھا اچ 12، چنیوٹ اچ 25، جھنگ اچ 44، نارووال اچ 30 اتے ننکانہ صاحب اچ 14 ریسکیو ٻیڑیاں کم کریندیاں پئن۔ ترجمان ریسکیو ݙسایا جو پنجاب اچ 1800 توں ودھ ریسکیو سکاؤٹس (تربیت یافتہ رضاکار) وی ایمرجنسی سروسز دے نال لوکاں دی مدد کریندے پئن۔
