پاک فضائیہ دا تربیتی ہیلی کاپٹر ہڈور ڳوٹھ دے نیڑے ڈھیہہ تے تباہ، پائلٹ سودھے عملے دے پنڄ ارکان شہید تھی ڳئے، آئی ایس پی آر

راولپنڈی۔1ستمبر (اے پی پی) پاک فضائیہ دا تربیتی ہیلی کاپٹر ایم آئی۔17 ہڈور ڳوٹھ دے نیڑے ڈھیہہ تے تباہ تھیوݨ نال پائلٹ سودھے عملے دے پنڄ ارکان شہید تھی ڳئے۔ آئی ایس پی آر توں جاری بیان دے مطابق سنوار کوں ہک ایم آئی۔17 ہیلی کاپٹر ٹھک داس چھاؤنی توں تقریباً 12 کلومیٹر پرے ہڈور ڳوٹھ دے نیڑے ڈھیہہ تے تباہ تھی ڳیا، ہیلی کاپٹر معمول دی تربیتی پرواز تے ہئی جو ایں اچ فنی خرابی تھی ڳئی اتے اے ڈھیہہ تے تباہ تھی ڳیا جئیں دے نتیجے اچ جہاز اچ موجود عملے دے سارے ارکان شہید تھی ڳئے جنہاں اچ پائلٹ ان کمانڈ میجر عاطف، کو پائلٹ میجر فیصل، فلائٹ انجینئر نائب صوبیدار مقبول، کریو چیف حوالدار جہانگیر اتے کریو چیف نائیک عامر شامل ہن۔ تربیتی مشن آرمی ایوی ایشن دی معمول دیاں سرگرمیاں دا حصہ ہن جنہاں دا مقصد آپریشنل سپورٹ توں گھن تے انسانی ہمدردی دی بنیاد تے امداد اتے آفات توں نجات تئیں مختلف سرگرمیاں کوں انجام ݙیوݨ کیتے آپریشنل تیاری کوں برقرار رکھݨ اے۔ پاکستان دی مسلح افواج ہر پہلُو توں تیاری کوں یقینی بݨاوݨ کیتے پرعزم ہن۔