اسلام آباد۔5ستمبر (اے پی پی) وفاقی وزیر مذہبی امور سردار محمد یوسف نال بنگلہ دیشی صدر دے مشیر برائے مذہبی امور اے ایف ایم خالد حسین جمے کوں وفد دے رَلے ملاقات کیتی۔ وزارت مذہبی امور موجب بنگلہ دیشی وفد پاکستان اچ سیلاب نال جانی تے مالی ضیان تے افسوس کیتا۔ وفد نال گالھ مہاڑ کریندیں ہوئیں وزیر مذہبی امور آکھیا جو پاکستانی عوام کوں بنگلہ دیشی عوام دے نال …
وفاقی وزیر مذہبی امور دی بنگلہ دیشی صدر دے مشیر نال ملاقات، سانجھی ورکنگ گروپ بݨاوݨ تے اتفاق
مزید خبراں
اسلام آباد۔5ستمبر (اے پی پی) وفاقی وزیر مذہبی امور سردار محمد یوسف نال بنگلہ دیشی صدر دے مشیر برائے مذہبی امور اے ایف ایم خالد حسین جمے کوں وفد دے رَلے ملاقات کیتی۔ وزارت مذہبی امور موجب بنگلہ دیشی وفد پاکستان اچ سیلاب نال جانی تے مالی ضیان تے افسوس کیتا۔ وفد نال گالھ مہاڑ کریندیں ہوئیں وزیر مذہبی امور آکھیا جو پاکستانی عوام کوں بنگلہ دیشی عوام دے نال برادرانہ جذبات ہن۔ ݙوہیں ملکاں دے تعلقات سانجھی روایتاں، اسلامی ورثے، سماجی اقدار دی بنیاداں تے استوار ہن۔ پاکستان اتے بنگلہ دیش وچال تعلقات اچ بہتری خطے کیتے اہم ثابت تھیسی۔ بنگلہ دیشی صدر دے مشیر آکھیا جو بھرپور استقبال تے پاکستانی عوام اتے حکومت دے شکر گزار ہن۔ ݙوہیں ملکاں دی وزارت مذہبی امور دے درمیان تعاون کوں ودھارا ݙیوݨ کیتے اقدامات کریسوں۔ وفاقی وزیر سردار محمد یوسف ݙوہاں ملکاں دے علماء کرام اتے مدارس دے طلباء دے تبادلے دی تجویز ݙتی۔ ملاقات اچ پاکستان اتے بنگلہ دیش وچال بین المذاہب ہم آہنگی دے ودھارے کیتے سانجھی ورکنگ گروپ بݨاوݨ تے اتفاق کیتا ڳیا۔ بنگلہ دیشی وفد پاکستان اچ تھیوݨ آلی ݙو روزہ بین الاقوامی سیرت کانفرنس اچ شرکت کریسی۔
