معلومات تئیں رسائی ہر شہری دا بنیادی تے آئینی حق اے، سید یوسف رضا گیلانی

اسلام آباد۔ 28 ستمبر(اے پی پی) چیئرمین سینیٹ سید یوسف رضا گیلانی آکھیے جو معلومات تئیں رسائی ہر شہری دا بنیادی تے آئینی حق اے۔ نقلی خبراں دے ذریعے سچ کوں گمراہ نی کرݨا چاہیدا۔ معلومات تئیں رسائی دے عالمی ݙینھ دے موقع تے آپݨے پیغام وچ انہاں آکھیا جو معلومات تئیں رسائی کیتے، آئین پاکستان ایں دا تحفظ کریندے۔ باخبر معاشرہ شفافیت، ترقی تے انصاف دی بنیاد رکھیندے۔ سید یوسف رضا گیلانی آکھیا جو درست تے وقتی معلومات عوام کوں بااختیار تے حکومت تے اعتماد کوں تکڑا بݨیندن۔ میڈیا دی اہمیت موجودہ دور وچ ݙو چند تھی ڳئی اے۔ ذمہ دارانہ رپورٹنگ ہر صحافی دی بنیادی ذمہ واری اے، نقلی خبراں دے ذریعے سچ کوں گمراہ نئیں کرݨا چاہیدا۔ انہاں آکھیا جو معلومات دا آزادانہ بہاؤ شفاف حکمرانی تے بہتر انتظامی امور کیتے ضروری اے۔ انہاں آکھیا جو محکمہ اطلاعات حکومت تے عوام وچال پل دا کردار ادا کریندے، سارے اداریں کوں معلومات تئیں رسائی دے نظام کوں ٻیا مؤثر بݨاوݨا چاہیدے۔ چیئرمین سینیٹ آکھیا جو صحافی برادری درست تے جامع اطلاعات ݙیوݨ یقینی بݨاوے، اطلاعات تے آگاہی روشن معاشرے تے جمہوریت دا ساہ اے۔