اسلام آباد۔ 29 ستمبر(اے پی پی)صدرِ مملکت آصف علی زرداری آکھیے جو پاکستان دا سمندری شعبہ قومی تجارت اَتے معاشی استحکام دی ریڑھ دی ہڈی اے، اَتے سمندری ترقی قومی ترقی دی ضامن اے۔ عالمی یومِ سمندری تجارت 2025 دے موقعے تے سنوار کوں ایوان صدر دے پریس ونگ ولوں جاری کیتے گئے آپݨے سنیہے اچ صدر مملکت آصف علی زرداری آکھیا جو پاکستان دا سمندری مستقبل روشن اَتے پائیدار …
پاکستان دا سمندری شعبہ تجارت اَتے معاشی استحکام دی ریڑھ دی ہڈی اے، سمندری ترقی، قومی ترقی دی ضامن اے، صدر مملکت آصف علی زرداری
اسلام آباد۔ 29 ستمبر(اے پی پی)صدرِ مملکت آصف علی زرداری آکھیے جو پاکستان دا سمندری شعبہ قومی تجارت اَتے معاشی استحکام دی ریڑھ دی ہڈی اے، اَتے سمندری ترقی قومی ترقی دی ضامن اے۔ عالمی یومِ سمندری تجارت 2025 دے موقعے تے سنوار کوں ایوان صدر دے پریس ونگ ولوں جاری کیتے گئے آپݨے سنیہے اچ صدر مملکت آصف علی زرداری آکھیا جو پاکستان دا سمندری مستقبل روشن اَتے پائیدار اے، بندرگاہواں دی ترقی، ڈیجیٹائزیشن اَتے جدیدیت حکومت دی ترجیح اے۔ صدر مملکت آکھیا جو کراچی اَتے پورٹ قاسم دی اپ گریڈیشن جاری اے اَتے علاقائی تجارتی مرکزاں اچ تبدیل کرݨ کیتے عزم پختہ اے۔ انہاں آکھیا جو سمندری پالیسیاں اچ اصلاحات جاری ہن اَتے قومی شپنگ کوں عالمی سطح تے مقابلے دے قابل بݨایا ویندا پئے۔ انہاں آکھیا جو پاکستانی شپنگ کمپنیاں کیتے سہولتاں، غیر ملکی انحصار اچ کمی دا باعث بݨسن، فریٹ سکیورٹی اچ بہتری اَتے زرِ مبادلہ دی بچت کیتے اہم اقدامات جاری ہن۔ پاکستان سنگل ونڈو دے تحت پورٹ کمیونٹی سسٹم کوں مرحلہ وار نافذ کیتا ویندا پئے۔ بندرگاہی آپریشنز دی ڈیجیٹائزیشن نال پورا سپلائی چین مربوط تھی ویسی۔
