اسلام اتفاق، احترام اتے رواداری دا دین اے، سردار محمد یوسف

اسلام آباد۔23اکتوبر(اے پی پی)وفاقی وزیر مذہبی امور سردار محمد یوسف آکھیے جو اسلام اتفاق، احترام اتے رواداری دا دین اے، اختلاف رائے دے باوجود ہک ݙوجھے دے نظریات دا احترام ضروری اے۔ او بین الاقوامی علماء و مشائخ اسلام کانفرنس توں خطاب کریندے پئے ہن ۔ انہاں آکھیا جو علماء و مشائخ ہمیشہ ملک اچ امن و اتحاد دے قیام اچ اہم کردار ادا کیتا، وزارت مذہبی امور دی علماء مشائخ کونسل اچ سارے مکاتب فکر دی نمائندگی شامل اے، مختلف مسالک دے علماء دا ہک پلیٹ فارم تے آوݨ امت دے اتحاد دی علامت اے۔ میلاد اتے سیرت کانفرنساں امت مسلمہ دے وچال ہم آہنگی دا ذریعہ ہن، حکومت زیارات کیتے بحری و بری رستیں کوں بہتر بݨاوݨ دے اقدامات کریندی پئی اے ، زائرین کیتے بحری سفر دا نویں نظام متعارف کراوݨ تے غور جاری اے۔ انہاں آکھیا جو امت دے اتحاد و امن کیتے علماء دا مثبت کردار ویلھے دی لوڑھ اے، اتحاد و اتفاق نال ھی دنیا و آخرت اچ کامیابی حاصل کیتی ونڄ سڳدی اے۔