سپیکر سردار ایاز صادق دا زرعی اتے صنعتی شعبے کیتے روشن معیشت پیکیج دا اعلان کرݨ تے وزیراعظم کوں خراج تحسین

اسلام آباد۔24اکتوبر (اے پی پی) سپیکر قومی اسمبلی سردار ایاز صادق زرعی اتے صنعتی شعبے کیتے روشن معیشت پیکیج دا اعلان کرݨ تے وزیراعظم شہباز شریف کوں خراج تحسین پیش کیتے۔ جمعہ کوں آپݨے ہک بیان اچ انہاں آکھیا جو روشن معیشت پیکیج دے تحت صنعتی اتے زرعی شعبے کوں سستی بجلی ملسی۔ رعایتی بجلی توں صنعتی اتے زرعی شعبہ نہ صرف ترقی کریسی بلکہ روزگار دے مواقع اچ وی ودھارا تھیسی۔ انہاں آکھیا جو اے فیصلہ واضح کریندے جو حکومت زرعی اتے صنعتی شعبے کوں کتنا اہمیت ݙیندی اے۔ کساناں کوں خصوصاً ایں تاریخی پیکیج توں بہوں فیدہ تھیسی۔ حکومت دے معاشی ترقی دے اقدامات دا محور عوام ہن۔ وفاقی وزیر برائے پاور ڈویژن اویس احمد خان لغاری وی روشن معیشت پیکیج تے خراج تحسین دے مستحق ہن۔