پارلیمنٹ دا سانجھا اجلاس اڄ تھیسی، اہم قوانین دی منظوری ݙتی ویسی، 15 نکاتی ایجنڈا جاری

اسلام آباد۔2 دسمبر (اے پی پی) پارلیمنٹ دا سانجھا اجلاس اڄ (منگل) کوں پارلیمنٹ ہاؤس اچ تھیسی جئیں اچ اہم قوانین دی منظوری ݙتی ویسی۔ اڄ تھیوݨ آلے پارلیمنٹ دے سانجھے اجلاس دا 15 نکاتی ایجنڈا وی جاری کر ݙتا ڳئے۔ قومی کمیشن برائے حقوق اقلیتاں بل 2025 منظور کیتا ویسی، قومی اسمبلی سیکرٹریٹ ملازمین ترمیمی بل 2025 منظور کیتا ویسی۔ حیاتیاتی تے زہریلے ہتھیاراں دی روک تھام بارے کنونشن برائے حیاتیاتی اتے زہریلے ہتھیار عملدرآمد بل 2024 منظور کیتا ویسی۔ ایجنڈے موجب پاکستان انسٹیٹیوٹ آف مینجمنٹ، سائنسز اینڈ ٹیکنالوجی بل 2023 منظور کیتا ویسی، نیشنل یونیورسٹی برائے سکیورٹی سائنسز اسلام آباد دے قیام دا بل 2023 منظور کیتا ویسی، اخوت انسٹیٹیوٹ قصور بل 2023 منظور کیتا ویسی اتے گھرکی انسٹیٹیوٹ آف سائنس اینڈ ٹیکنالوجی بل 2025 منظور کیتا ویسی۔