پاکستان دی آبادی اچ ہر سال نیوزی لینڈ دی آبادی دے برابر ودھارا تھیندا پئے، آبادی دے چیلنج نال نبڑݨ کیتے معاشرے دے ہر طبقے کوں آپݨا کردار ادا کرݨا ہوسی، عطاء اللہ تارڑ

اسلام آباد۔2 دسمبر (اے پی پی) وفاقی وزیر اطلاعات تے نشریات عطاء اللہ تارڑ آبادی اچ تیزی نال ودھارے کوں پریشانی آلی گالھ قرار ڈیندیں ہوئیں آکھیا جو پاکستان دی آبادی اچ ہر سال نیوزی لینڈ دی آبادی دے برابر ودھارا تھیندا پئے۔ ودھدی ہوئی آبادی دی وجہ نال صحت، تعلیم اتے بئے شعبیاں اچ چیلنج آندے پئن، جݙاں جو معیشت اتے بنیادی سہولتاں تے وی ایندا بوجھ ودھدا پئے۔ آبادی دے چیلنج نال نبڑݨ کیتے معاشرے دے ہر طبقے کوں آپݨا کردار ادا کرݨا ہوسی۔ منگل کوں ہک مقامی ہوٹل اچ ”دی پاکستان پاپولیشن سمٹ“ توں خطاب کریندیں ہوئیں وفاقی وزیر اطلاعات آکھیا جو اساکوں اے احساس کرݨا ہوسی جو آبادی اچ وادھا ہک وݙا اتے سنگین مسئلہ اے۔ انہاں آکھیا ہا جو آبادی اچ ودھارے نال بئے مسئلے وی جُڑے ہوئن۔ وفاقی وزیر آکھیا جو نیانڑیاں اچ موت دی شرح ودھدی پئی اے، یونیسف دے اعداد و شمار موجب ہزار اچوں پنجاہ نیانڑیں موت دے مُنہ اچ چلی ویندن۔ انہاں آکھیا جو نویں جمی نیانڑیاں، زچہ و بچہ دی ݙیکھ بھال یا تولیدی صحت دے تناظر اچ ڈٹھا ونجے تاں اساں کئی قیمتی جاناں ونڄا ݙیندوں ۔ انہاں آکھیا جو اس مسئلے دا ہک ٻیا اہم پہلو اے احساس اے جو آبادی اچ ودھارا خود ہک سنگین چیلنج اے۔ انہاں آکھیا جو حقوق اتے ذمے واری ڈوہیں اس مسئلے نال سِدھے جُڑے ہوئن۔ ودھدی آبادی ترقی دی رفتار سست کر سڳدی اے جݙاں جو اے معیشت اتے بنیادی سہولتاں تے وی بوجھ پیندی پئی اے۔ انہاں ٻیا آکھیا جو اس مسئلے نال نبڑݨ کیتے آگاہی پیدا کرݨا ہر طبقے دی سانجھی ذمے واری اے، علماء کرام، میڈیا، حکومت، قانون دان اتے صحافی ساریاں کوں ایندے اچ آپݨا کردار ادا کرݨا ہوسی۔