وزیراعظم شہباز شریف دا بنوں اچ دہشت گرد حملے اچ اسسٹنٹ کمشنر شمالی وزیرستان سمیت 4 بندیاں دی شہادت تے افسوس، تخریب کاراں کوں انجام تئیں پڄاوݨ دی ہدایت

اسلام آباد۔2 دسمبر (اے پی پی) وزیراعظم محمد شہباز شریف بنوں اچ دہشت گرد حملے اچ اسسٹنٹ کمشنر شمالی وزیرستان سمیت 4 بندیاں دی شہادت تے ڈکھ اتے افسوس کریندیں ہوئیں واقعہ دی تحقیقات اتے تخریب کاراں کوں فوری طور تے انجام تئیں پڄاوݨ دی ہدایت کیتی۔ منگل کوں وزیراعظم آفس دے میڈیا ونگ ولوں جاری بیان موجب، وزیراعظم شہیداں کیتے مغفرت اتے لواحقین کیتے صبر تے استقامت دی دعا کیتی۔ وزیراعظم زخمیاں کوں فوری طبی امداد ݙیوݨ دی ہدایت کیتی۔ وزیراعظم آکھیا جو انسانیت دے دشمن دہشت گرداں دے بُرے ارادیاں کوں مٹی اچ رلا ݙیسوں، حکومت ملک توں دہشت گردی دے مکمل خاتمے کیتے پُرعزم اے۔