راولپنڈی۔ 2 دسمبر(اے پی پی) چیف آف آرمی سٹاف فیلڈ مارشل سید عاصم منیر دی ترکیہ دے وزیر برائے توانائی تے قدرتی وسائل پرسلان بیرکتار نال جنرل ہیڈکوارٹرز (جی ایچ کیو) اچ ملاقات تھئی اے۔ ملاقات اچ باہمی دلچسپی دے امور، خاص کر پاک-ترکیہ توانائی دے تعاون کوں ودھاوݨ، ݙوطرفہ تعلقات تکڑے کرݨ اَتے حکمت عملی دی سانجھ دے نویں موقعے ڳولݨ تے ڳالھ کیتی گئی۔ پاک فوج دے تعلقات …
فیلڈ مارشل سید عاصم منیر دی ترک وزیر پرسلان بیرکتار نال ملاقات
مزید خبراں
راولپنڈی۔ 2 دسمبر(اے پی پی) چیف آف آرمی سٹاف فیلڈ مارشل سید عاصم منیر دی ترکیہ دے وزیر برائے توانائی تے قدرتی وسائل پرسلان بیرکتار نال جنرل ہیڈکوارٹرز (جی ایچ کیو) اچ ملاقات تھئی اے۔ ملاقات اچ باہمی دلچسپی دے امور، خاص کر پاک-ترکیہ توانائی دے تعاون کوں ودھاوݨ، ݙوطرفہ تعلقات تکڑے کرݨ اَتے حکمت عملی دی سانجھ دے نویں موقعے ڳولݨ تے ڳالھ کیتی گئی۔ پاک فوج دے تعلقات عامہ (آئی ایس پی آر) ولوں جاری بیان موجب، ڈوہیں فریقاں مشترکہ اہداف اَتے علاقائی استحکام دے حوالے نال سانجھ کوں ٻیا مضبوط بݨاوݨ دے عزم دوہرایا۔ فیلڈ مارشل پاکستان اتے ترکیہ وچال ڈوہیں تکڑے، پراݨے اَتے ٻھراواں آلے تعلقات کوں اڳونہا کریندے مختلف بین الاقوامی فورمز تے پاکستان کیتے ترکیہ دی پوری حمایت تے شکریہ ادا کیتا۔ ترک وزیر توانائی دے شعبے اچ تعاون کوں ٻیا ڳھاتا کرݨ دی ترکیہ دی خواہش ݙسائی اَتے علاقائی امن، استحکام اَتے پائیدار ترقی کیتے پاکستان دیاں کوششاں دی تعریف کیتی۔
