اسلام آباد۔ 2 دسمبر(اے پی پی) سری لنکا دے صدر انورا کمارا ڈسانائیکے وزیر اعظم محمد شہباز شریف کوں فون کر تے اویلھے ویلھے اچ یکجہتہ کرݨ اتے ودھ امداد ݙیوݨ تے شکریہ ادا کیتے۔ ڈیموکریٹک سوشلسٹ ریپبلک آف سری لنکا دے صدر انورا کمارا ڈسانائیکے وزیر اعظم محمد شہباز شریف کوں ٹیلی فون کیتا۔ وزیراعظم سری لنکا اچ سمندری طوفان ڈٹواہ نال تھیوݨ آلے جانی نقصان اَتے وݙی سطح …
وزیر اعظم محمد شہباز شریف نال سری لنکن صدر انورا کمارا ڈسانائیکے دا ٹیلیفونک رابطہ، اویلھے ویلھے اچ یکجہتی اتے ودھ امداد تے شکریہ ادا کیتے
مزید خبراں
اسلام آباد۔ 2 دسمبر(اے پی پی) سری لنکا دے صدر انورا کمارا ڈسانائیکے وزیر اعظم محمد شہباز شریف کوں فون کر تے اویلھے ویلھے اچ یکجہتہ کرݨ اتے ودھ امداد ݙیوݨ تے شکریہ ادا کیتے۔ ڈیموکریٹک سوشلسٹ ریپبلک آف سری لنکا دے صدر انورا کمارا ڈسانائیکے وزیر اعظم محمد شہباز شریف کوں ٹیلی فون کیتا۔ وزیراعظم سری لنکا اچ سمندری طوفان ڈٹواہ نال تھیوݨ آلے جانی نقصان اَتے وݙی سطح تے تھیوݨ آلی تباہی تے افسوس کیتے۔ انہاں سری لنکا دے عوام اَتے حکومت نال دِلی تعزیت کریندے سوگوار خانداناں نال ہمدردی کیتی جیڑھے سیلاب اَتے لینڈ سلائیڈنگ اچ آپݨے پیاریاں کوں ونڄا چھوڑیے۔ موسمیاتی تبدیلی نال تھیوݨ آلے نقصانات دا ݙسیندے انہاں آکھیا جو پاکستان ایں مشکل ترین صورتحال اچ سری لنکا دے نال پوری یکجہتی نال کھڑے۔ وزیراعظم سری لنکا دے صدر کوں ݙسایا جو پاکستان سری لنکا دے عوام دی مدد کیتے فوری طور تے انسانی بنیاداں تے امداد ٻھیڄیندا پئے تاں جو ایں قدرتی آفت نال تھیوݨ آلی تباہی توں نکلݨ اچ مدد مل سڳے۔ سری لنکن صدر مشکل ویلے اچ سری لنکن قوم نال اظہار یکجہتی اَتے سخاوت آلی انسانی امداد ݙیوݨ تے وزیراعظم دا شکریہ ادا کیتا۔ انہاں تعریف کیتی جو پاکستان انہاں اڳوں آوݨ آلے ملکاں اچ شامل اے جنہاں طوفان دے ویلھے اچ امدادی کارروائیاں اچ حصہ ڳھدے۔ ڈوہیں رہنماواں آپݨیاں گزریل ملاقاتاں دا ݙسیندے سارے شعبیاں اچ ڈوطرفہ تعاون کوں ٻیا چنڳا بݨاوݨ کیتے آپݨا مشترکہ عزم وی دوہرایا۔
