وزیر اعظم شہباز شریف دی دعوت تے جمہوریہ کرغزستان دے صدر اڄ توں پاکستان دا ݙو ݙینھ دا سرکاری دورہ کریسن، ترجمان دفتر خارجہ

اسلام آباد۔ 3 دسمبر (اے پی پی) وزیر اعظم محمد شہباز شریف دی دعوت تے جمہوریہ کرغزستان دے صدر سادیر نور گوز جاپاروف بُدھ 3 دسمبر توں 4 دسمبر تئیں پاکستان دا پہلا سرکاری دورہ کریسن ۔ ترجمان دفتر خارجہ ولّوں جاری بیان موجب کرغزستان دے صدر نال اعلیٰ سطح دا وفد وی ہوسی جئیں اچ کابینہ دے سینئر وزراء، وݙے عہدے دار اَتے کاروباری رہنما شامل ہوسن ۔ کرغزستان دے صدر دی دورے اچ صدر مملکت نال ملاقات متوقع اَے، او وزیر اعظم نال ملاقات اَتے وفداں دی سطح تے گالھ مہاڑ کریسن جݙاں جو انہاں دا پاکستان کرغزستان بزنس فورم نال خطاب وی متوقع اَے۔ گالھ مہاڑ دے دوران ݙوہیں پاسوں ݙو پاسہ تعلقات دے پورن سپیکٹرم دا جائزہ گھنسن اَتے واپار، توانائی، دفاع، تعلیم، لوکاں توں لوکاں دے تبادلے اَتے علاقائی رابطیاں سودھے مختلف شعبیاں اچ تعاون کوں ودھاوݨ تے گالھ کریسن ۔ یاد رہوے جو جمہوریہ کرغزستان دے صدر ولّوں آخری دورہ پاکستان جنوری 2005 اچ تھیا ہئی۔ بیان موجب اے دورہ پاکستان اَتے جمہوریہ کرغزستان وچال بھراواں آلے تعلقات دی عکاسی کریندَے جئیں دی جڑاں سانجھی تاریخ، عقیدے اَتے وچالے اَتے جنوبی ایشیا اچ امن اَتے خوشحالی دی سانجھی خواہشات تے مشتمل ہِن۔ توقع اَے جو ایں دورے نال ݙو پاسہ تعاون کوں نویں رفتار مِلسی اَتے علاقائی اَتے کثیر جہتی فورمز تے تعاون کوں طاقت مِلسی۔